الماتىدا ءوتىپ جاتقان قىسقى ۋنيۆەرسيادا ويىندارىندا قازاقستان قۇراماسى 11 التىن, 7 كۇمىس جانە 17 قولامەن جالپى ەسەپتە ەكىنشى ورىنعا توقتالدى.
ال 29 التىن, 27 كۇمىس جانە 15 قولا, جالپى سانى 71 مەدال العان رەسەي قۇراماسى جارىستى ءبىرىنشى ورىنمەن اياقتادى. ۇزدىك ۇشتىكتى وڭتۇستىك كورەيا سپورتشىلارى تۇيىندەدى. ولاردىڭ ەنشىسىندە 11 التىن, 5 كۇمىس جانە 5 قولا مەدال بار.
ەل قۇراماسى بۇعان دەيىن 36 مەدال الىپ كورمەگەن. وسىلايشا ۋنيۆەرسيادا تاريحىنداعى ءوز كورسەتكىشىن ءۇش ەسە جاقسارتتى.
سوڭعى رەت يسپانيانىڭ گرانادا قالاسىندا وتكەن جارىستا جەرلەستەرىمىز بەس التىن جانە التى كۇمىس مەدال جەڭىپ العان بولاتىن. الايدا, بۇل كورسەتكىش الماتىدا وتكەن ۋنيۆەرسيادانىڭ ءتورتىنشى كۇنىندە-اق جاڭارىپ ۇلگەردى. بۇل كۇنى سپورتشىلارىمىز التى التىن, ەكى كۇمىس جانە جەتى قولا مەدال العان بولاتىن.
ايتا كەتەيىك, استانا ۋاقىتى بويىنشا بۇگىن ساعات 19:00-دە قىسقى ۋنيۆەرسيادا ويىندارىنىڭ جابىلۋ سالتاناتى وتەدى.