حالىقارلىق ۆاليۋتا قورى قازاقستانداعى ميسسياسىنىڭ باسشىسى مارك حورتون قازاقستاندىق بانكتەردىڭ بىرىگۋىنە قاتىستى پىكىر ءبىلدىردى, دەپ حابارلايدى قازاقپارات.
«قازكوممەن پروبلەمالار بارىنشا كۇردەلى بولۋى ىقتيمال. ويتكەنى, ول قازاقستانداعى ەڭ ءىرى بانكتەردىڭ ءبىرى. وزدەرىڭىزدە بىلەتىندەي, بىرنەشە جىل بۇرىن ول بتا بانكىن ساتىپ الدى. سوڭعىسىنىڭ قازاقستاندا دا, شەتەلدە دە قىزمەت كورسەتىلمەيتىن كرەديتتەر بويىنشا قورجىنى وتە كۇردەلى بولاتىن. قازكوممەرتسبانك ءبىز ءۇمىت ارتقانداي بتا قورجىنىنداعى پروبلەمالاردى شەشۋدە تابىسقا جەتە المادى. ءيا, قازكومنىڭ ءوزىنىڭ دە قورجىنى نەگىزىنەن الماتى توڭىرەگىندەگى بارىنشا تولەم قابىلەتتى سانالمايتىن جىلجىلمايتىن م ۇلىكتەن تۇرادى»,- دەپ اتاپ ءوتتى ول قازاقستاندىق جۋرناليستەردىڭ ساۋالىنا وراي.
قازىرگى ۋاقىتتا «قازاقستاننىڭ حالىق بانكى» اق مەن «قازكوممەرتسبانك» اق اراسىندا الەۋمەتتى مامىلەگە قاتىستى كەلىسسوزدەر ءجۇرىپ جاتىر. الايدا, حۆق وكىلىنىڭ ايتۋىنشا, حالىق بانكى بتا بانكىنىڭ اۋىرپالىعىن وزىنە الا قويعىسى جوق.
«سوندىقتان قازكوممەرتسبانكى بالانسى توڭىرەگىندەگى احۋالدى رەتتەۋ ءۇشىن كۇردەلى قارجىلىق قولداۋ كەرەك بولار. بۇل كرەديت ءبىز ءۇمىت ارتىپ وتىرعانداي تاراتۋ ماقساتىنا ارنالعان پروبلەمالى كرەديتتەر قورىنان ءبولىنۋى مۇمكىن. بىزدىڭشە, تاراتۋدى بارىنشا جىلدام جۇرگىزۋ قاجەت. م ۇلىكتەر مەن اكتيۆتەردى وزىنە الا الاتىن جاڭا ينۆەستورلار بولۋى ءتيىس. ءبىز ۇلتتىق بانكپەن مۇنداي وپەراتسيالاردىڭ مۇمكىنشىلىكتى جولدارىن تالقىلادىق. قازىرگى ۋاقىتتا جوسپار ازىرلەنۋدە, تاراپتار قازكوممەرتسبانكتىڭ قورجىنى اكتيستەرىنە قارجىلىق-زاڭگەرلىك اۋديت جۇرگىزەدى. ازىرشە ءبىز مامىلە تۋرالى سوڭعى, قۇرىلىمدىق اقپارات ەستىگەن جوقپىز», - دەدى حورتون.
وسى رەتتە ول مۇنداي وپەراتسيالار جۇرگىزۋگە قاتىستى حالىقارالىق ۆاليۋتا قورى ءوزىنىڭ پايىمىن دا بىلدىرگەنىن ايتتى.
«اكتسيونەرلەر ەڭ ءبىرىنشى كەزەكتە وزدەرىنىڭ بانكتەرىنە قارجىلىق رەسۋرستار ءبولۋى ءتيىس دەپ سانايمىز. ەگەر اكتسيونەرلەر اقشا قاراجاتىن بولە المايتىن بولسا, وندا مەملەكەت قاراجاتىنا جۇگىنۋلەرىنە تۋرا كەلەدى. بىزدىڭشە, ول ۇلتتىق بانكتەن نەمەسە بىرىڭعاي جيناقتاۋشى زەينەتاقى قورىنان ەمەس مەملەكەتتىك بيۋدجەتتەن ءبولىنۋى قاجەت», - دەدى ساراپشى.
ءسوز سوڭىندا حورتون حالىقارالىق ۆاليۋتا قورى قازاقستاندا قانداي دا ءبىر اۋقىمداعى بانك داعدارىسى بولمايدى دەپ سانايتىندىعىن اتاپ ءوتتى.