گەرمانيانىڭ «باۆاريا» كومانداسىندا كاپيتاندىق مىندەتتى اتقارىپ جۇرگەن فيليپپ لام الداعى جازدا فۋتبولدان كەتەتىنىن مالىمدەدى. بۇل تۋرالى eurosport.ru حابارلادى.
«ماۋسىم سوڭىندا مانسابىمدى اياقتاۋ تۋرالى شەشىمگە كەلدىم. بۇل نيەتىمدى كلۋب باسشىلىعىنا ءبىلدىردىم. مەنىڭ فۋتبولداعى باستى مىندەتىم – ءار ويىندا بارىمدى سالىپ, اقتىق دەمىم تاۋسىلعانشا كوماندامدى جەڭىسكە جەتەلەۋ. جازعا دەيىن بۇل قىسىمعا شىدارمىن, بىراق ءوزىم دە ءبىراز جاسقا كەلىپ قالعاندىقتان, ارى قاراي جالعاستىرا المايمىن. سول سەبەپتى فۋتبولشىلىق عۇمىرىمدى ءبىرجولا اياقتاسام دەپ وتىرمىن. ازىرگە دەمالعىم كەلەدى. «باۆاريانىڭ» سپورت ديرەكتورى لاۋازىمى ۇسىنىلعان. بىراق بۇل قىزمەتكە ءالى دايىن ەمەس سياقتىمىن», – دەدى نەمىس ويىنشىسى.
گەرمانيانىڭ اقپارات قۇرالادارى لامنىڭ مۇنداي شەشىمگە كەلگەنىن وتكەن ايدىڭ ورتاسىندا حابارلاعان. بۇل جولى ويىنشىنىڭ ءوزى رەسمي تۇردە مالىمدەپ وتىر.
ايتا كەتەيىك, «باۆاريا» ساپىندا بۇگىنگە دەيىن 501 ويىن وتكىزىپ, 19 جۇلدە جەڭىپ العان. ال گەرمانيا قۇراماسىمەن 2014 جىلى الەم چەمپيونى اتانعان.