«بارىس» ويىنشىسى كەۆين داللمەن قۇرلىقتىق حوككەي ليگاسىنىڭ (قحل) تۇراقتى چەمپيوناتىنداعى ۇزدىك قورعاۋشى اتاندى. بۇل تۋرالى vesti.kz حابارلادى.
«داللمەننىڭ كريسا ليدىكىندەي ستاتيستيكاسى جوعارى ەمەس. الايدا, تىكەلەي قورعاۋشى مىندەتىن اتقارعان كەزدە ءوز-وزىنە وتە سەنىمدى. ول 61 سوققىنى توقتاتا ءبىلدى. وسى كورسەتكىش جاعىنان كلۋبىندا ۇزدىكتەردىڭ ءبىرى. قحل-دىڭ العاشقى ماۋسىمىندا-اق رەكوردتى 58 ۇپاي جيناپ, بۇگىنگە دەيىن ەرەكشە ويىنىمەن كوزگە ءتۇسىپ ءجۇر. تەك سانكت-پەتەربۋرگتىڭ سكا كومانداسىنا قارسى ماتچتا عانا ءوز ويىنىن كورسەتە المادى. داللمەننىڭ كورسەتكىشتەرى تۇراقتى, ول سەنىمدى ءارى ناتيجەلى ويىنشى. وسى ماۋسىمدا 30 ۇپاي جينادى. بۇل سۇرمەرگەن-قورعاۋشىلار تىزىمىندە بەسىنشى ورىنعا لايىق كورسەتكىش. كەۆين ءالى 35 جاستا, سوندىقتان «بارىس» جانكۇيەرلەرىن ءالى دە قۋانتارى ءسوزسىز», – دەلىنگەن حابارلامادا.