ۋنيۆەرسيادا كەزىندە, 29 قاڭتار مەن 4 اقپان ارالىعىندا, الماتىدا جالدامالى پاتەر ىزدەۋشىلەر سانى 37 مىڭنان استى, بۇل الدىڭعى اپتامەن سالىستىرعاندا 12 پايىزعا ارتىق, دەپ جازادى krisha.kz.
ساراپشىلاردىڭ پىكىرىنشە, بۇل كورسەتكىش ادەتتەگى جاعدايدان ايتارلىقتاي جوعارى ەمەس.
سونىمەن قاتار, پاتەر ىزدەۋشىلەردىڭ باسىم بولىگى ۋنيۆەرسيادا نىساندارىنان الىس ايماقتار, اتاپ ايتار بولساق, جاروكوۆ, مۇستافين, روزىباكيەۆ, فۋرمانوۆ كوشەلەرىنەن ىزدەگەن. بۇدان شىعاتىن قورىتىندى, ۋنيۆەرسيادا الماتىداعى جالدامالى پاتەر نارىعىنا اسەر ەتپەگەن.
مامانداردىڭ پىكىرىنشە, الماتىداعى جالدامالى ۇيگە دەگەن سۇرانىس جاز بەن كۇزدىڭ باسىندا كوبەيەدى. سونىڭ ىشىندە تامىز ايىندا حالىق جوو ورنالاسقان ماڭايدان كوبىرەك قارايدى.
وعان قوسا, نارىقتاعى باعادا دا ەشقانداي وزگەرىس بولماعان. بۇرىنعىشا, پاتەر باعاسى ورتاشا ەسەپپەن 7-10 مىڭ تەڭگە ارالىعىندا قۇبىلدى.