قازاقستان رەسپۋبليكاسىنداعى اقش ەلشىسى دجوردج كرول قىزمەتىنەن كەتپەيدى. بۇل اقپاراتتى قازاقستانداعى اقش ەلشىلىگىنىڭ ءباسپاسوز قىزمەتتى جاريا ەتتى.
The New York Times باسىلىمى 2017 جىلدىڭ 5 قاڭتارىندا تاراتقان اقپاراتىنا سۇيەنسەك, اقش-تىڭ ءار ەلدەگى ەلشىلەرى 20 قاڭتارعا دەيىن قىزمەتتەرىنەن كەتۋى كەرەك. بۇل جۇيە اقش-تىڭ ۇكىمەتى اۋىسقان كەزدە ورناپ وتىرادى. الايدا, تارتىپكە ساي, ساياسي تاعايىندالعان ەلشىلەر عانا قىزمەتىنەن كەتۋگە مىندەتتى. ال كادرلىق ەلشى-ديپلوماتتار قىزمەتتەرىندە قالادى.
«ساياسي تاعايىندالعان ەلشىلەر قۇراما شتاتتارىنىڭ سىرتقى ديپلوماتيالىق قىزمەتىنىڭ مۇشەسى ەمەس. بۇل ساناتتاعى ەلشىلەر اقش-تىڭ بۇكىل الەمدەگى ەلشىلەرىنىڭ ۇشتەن ءبىرىن قۇرايدى. ال قالعاندارى اقش كادرلىق ديپلوماتيالىق سىرتقى ساياساتىنىڭ مۇشەلەرى. قازاقستانداعى اقش ەلشىسى دجوردج كرول كادرلىق ەلشى بولىپ سانالادى, سوندىقتان ول 20 قاڭتارعا دەيىن دە, كەيىن دە قىزمەتىن جالعاستىرا بەرەدى» دەپ حابارلادى اقش ەلشىلىگىنىڭ ءباسپاسوز قىزمەتى.