ازىرگە بالاباقشا قىزمەتكەرلەرى قاراپايىم ۇيالى تەلەفونعا اۋىسقان. مۇنداي شەشىم بىرەر اپتا بۇرىن وبلىستىق اتا-انالار قوعامى كەڭەسىنىڭ وتىرىسىندا قابىلدانعان بولاتىن.
تاياۋ ارادا مەكتەپ ديرەكتورلارى مەن اتا-انالار وقۋ ورىندارىندا بالالاردىڭ سمارتفون قولدانۋىنا تىيىم سالۋ تۋرالى شەشىم شىعارادى, دەپ حابارلادى قازاقپارات.
«مەن بۇل تىيىمعا قارسىمىن. ۇلىم كىشكەنتاي بالا ەمەس جانە ءوز زاتتارى مەن تەحنيكاسىنا يە بولا الادى. كەلەسى جىلى جوعارى وقۋ ورنىنا تۇسەدى. سىناقتارعا دايىندالۋ كەرەك, ءموبيلدى ينتەرنەت ۇنەمى جانىندا بولۋ كەرەك. مەنىڭ ويىمشا, ساباق ۇستىندە سمارتفونعا قاراپ, ويى بولىنگەن وقۋشىعا تىيىم سالۋ كەرەك», - دەدى قالا تۇرعىنى مارينا.
«قازىر ءاربىر مەكتەپ وسى ماسەلە بويىنشا اتا-انالار پىكىرىن جيناپ جاتىر. ەگەر ناقتى ءبىر مەكتەپتىڭ اتا-انالارى باستاماعا قولداۋ بىلدىرسە, اكىمشىلىك ىشكى ءتارتىپ ەرەجەسىنە وزگەرىستەر ەنگىزەدى. وندا بالالار مەن پەداگوگتارعا سمارتفون ۇستاۋعا تىيىم سالۋ تۋرالى پۋنكتى پايدا بولادى. ياعني, اتا-انالار مەن مەكتەپ اكىمشىلىگى بىرلەسىپ شەشىم قابىلدايدى. بۇل ءىس جۇزەگە اسىپ جاتسا, مەكتەپ باسشىلىعى سمارتفونداردىڭ بۇتىندىگىنە جاۋاپ بەرەدى», - دەدى شقو ءبىلىم بەرۋ باسقارماسىنىڭ باسشىسى ايجان سادىقوۆا.