اقش-تىڭ جاڭادان سايلانعان پرەزيدەنتى دونالد ترامپ جاپوندىق Toyota Motor كومپانياسىن جاڭا زاۋىتتى مەكسيكادا ەمەس, باستاپقىدا جوسپارلانعانداي امەريكادا سالۋعا شاقىردى. بۇل تۋرالى ول Twitter ميكروبلوگىندا جازدى.
ولاي بولماعان جاعدايدا ترامپ اۆتوكونتسەرن ونىمدەرىنىڭ يمپورتىنا جوعارى سالىقتار سالۋعا ۋادە ەتتى. «Toyota Motor اقش ءۇشىن Corolla اۆتوكولىكتەرىن قۇراستىرۋ ماقساتىندا باحادا (مەكسيكا) زاۋىت سالاتىنىن ءمالىم ەتتى. بۇلاي بولا قويماس! زاۋىتتى اقش-تا سالىڭدار نەمەسە شەكارادا ۇلكەن سالىقتار تولەيسىڭدەر», - دەپ ەسكەرتتى ترامپ.
3 قاڭتار كۇنى دونالد ترامپ General Motors-تى كولىكتەردى مەكسيكادا قۇراستىرىپ, ولاردى اقش-قا باج سالىعىنسىز كىرگىزەتىنىن سىنعا العان ەدى. اڭگىمە شاعىن سەدان جانە حەتچبەك - Chevy Cruz مودەلدەرى تۋراسىندا بولىپ وتىر. سول كۇنى Ford كومپانياسى مەكسيكادا جاڭا زاۋىتتىڭ قۇرىلىسىنا 1,6 ملرد. دوللار ينۆەستيتسيا قۇيۋ جوسپارىنان باس تارتاتىنىن ءمالىم ەتتى. ونىڭ ورنىنا ءاۆتووندىرۋشى اقش ىشىندە ءوندىرىستى دامىتۋعا 700 ملن دوللار جۇمساۋدى كوزدەپ وتىر.
29 جەلتوقسان كۇنى ترامپ ونىڭ اكىمشىلىگى باسشىلىققا الاتىن ەكى ەرەجەنى اتادى - «امەريكالىق تاۋاردى ساتىپ ال» جانە «امەريكالىقتاردى جۇمىسقا جالدا».