جاڭا جىلدى جاڭا لەپپەن, قۋانىشپەن قارسى الۋ ءۇشىن توقتار اۋىلىنىڭ جۇرتشىلىعى دا ىقىلاسپەن قامداندى. سونىڭ ءبىر دالەلى – اۋىلىمىزدىڭ بەتكە ۇستار ازاماتتارى اۋىل جۇرتشىلىعىنا جانە قوناقتارىنا جاڭا جىل كەشىنە وراي, كورسە كوز تويار مۇز قالاشىعىن تارتۋ ەتتى. قىستىڭ سارى ايازىندا اۋىلدىڭ ءبىرنەشە شاقىرىمدىق جەرىنەن وزەن مۇزىن ءمۇسىننىڭ كولەمىنە جەتەرلىكتەي ەتىپ ويىپ اكەلۋ, وعان ءتۇرلى ءپىشىن بەرىپ, «مەنمۇندالاپ» ساۋلە شاشار جارىعى ءۇشىن ولارعا ەلەكتر سىمدارىن جۇرگىزۋ كىمنەن دە بولسىن اسقان قاجىر-قايراتتى تالاپ ەتەدى. وسىنداي جۇمىسقا باسىنان-اياعىنا دەيىن اتسالىسقان قانات ءابىش, كەنجەباي ايتجانوۆ, ەرنازار ابىلقاس, ءومىرجان قاپانعا, سونىمەن قاتار ءوزىنىڭ قۇرال-جابدىعىمەن مۇز كەسۋگە كومەك كورسەتكەن ماناربەك الداجۇمانوۆ, ءوز كولىگىمەن مۇز تاسىپ, قول ۇشىن سوزعان سۇڭعات ەسەنگەلدين, مۇز قالاشىعىنىڭ جۇمىسىنا بەلسەنە ات سالىسقان باسقا دا ازاماتتارعا اۋىل ادامدارىنىڭ العىستان باسقا ايتارى جوق.
مادەنيەت ءۇيىنىڭ الدىنان بوي كوتەرگەن مۇز قالاشىقتارى اۋىلدىڭ اجارىن كىرگىزىپ قانا قويمايدى, ارقايسىسىنىڭ ارقالار وزىندىك سيمۆولدىق ءمانى بار.
جاڭا جىلداعى اۋىل جاڭالىعى – وسىنداي. جاڭا جىل جاقسىلىعىمەن كەلسىن.
نۇرجان كوشكىنباي
قاراعاندى وبلىسى,
قارقارالى اۋدانى,
توقتار اۋىلى