الماتى مەتروسىنىڭ ءبىر جىلدا تاپقان تابىسى جاريا ەتىلدى

«الماتى مەتروپوليتەنى» كمك 2016 جىلى 873 ملن تەڭگە كولەمىندە تابىس تاپتى, دەپ حابارلايدى «قازاقپارات». ونىڭ ايتۋىنشا, بىلتىر مەترو قىزمەتىن 12,4 ملن ادام پايدالانعان. ونىڭ 348-ءى مۇمكىندىگى شەكتەۋلى جاندار. مەترودا جولاۋشىلار سانى وقۋ جىلى باستالاتىن, قىركۇيەك, قازان ايلارىندا وسەدى. «كۇن سايىن مەترو قىزمەتىن 40 مىڭنان 50 مىڭعا دەيىن ادام پايدالانادى. دەمالىس كۇندەرى بۇل كورسەتكىش 17-18 مىڭعا دەيىن تۇسەدى. 2015 جىلى ءبىز 10,6 ملن ادام تاسىمالدادىق», - دەدى حابيەۆا. ايتا كەتەيىك, مەترومەن جۇرۋشىلەر قاتارى جاڭا «سايران», «ماسكەۋ» ستانسالارىنىڭ اشىلعاننان كەيىن ارتتى. ەسكە سالا كەتەيىك, الماتى مەتروپوليتەنى 2011 جىلى اشىلدى. العاش 7 ستانسا پايدالانۋعا بەرىلىپ, 2015 جىلى ەكى ستانسا قوسىلدى. مەترونىڭ بەس جىلدىعىن اتاپ وتكەندە مەكەمە ديرەكتورى نۇرلان مۇحانوۆ اشىلعان كۇننەن باستاپ, 3 ملرد تەڭگەگە جۋىق تابىس تاپقانىن ايتقان. 5 جىل جىل ىشىندە مەترو قىزمەتىن 42 ملن ادام پايدالانعان.