بۇگىن قازاقستاندىق كينوتەاترلاردا جازۋشى ءىلياس ەسەنبەرليننىڭ «كوشپەندىلەر» تريلوگياسى بويىنشا تۇسىرىلگەن «قازاق ەلى» جوباسىنىڭ العاشقى ءبولىمى – «الماس قىلىش» ءفيلمى كورسەتىلە باستادى, دەپ حابارلايدى قازاقپارات.
فيلم ستسەناريىن جازعان – سماعۇل ەلۋباي. وندا ءىلياس ەسەنبەرليننىڭ «الماس قىلىش» رومانى نەگىزگە الىندى. رەجيسسەر رۇستەم ابدىراشەۆتىڭ ايتۋىنشا, «الماس قىلىشتى» تۇسىرۋگە ەكى جىل ۋاقىت كەتكەن. ءفيلمدى ءتۇسىرۋ جۇمىستارىنا مىڭداعان ادام تارتىلعان. ءفيلمنىڭ تۇپنۇسقاسى تولىعىمەن قازاق تىلىندە, اراسىندا جوڭعار تىلىندە جانە سولتۇستىك موڭعول ديالەكتىسى بار. پروكاتقا ورىس ءتىلدى نۇسقاسى دا ازىرلەندى.
«بىزدە ماتەريالدىڭ ۇلكەن قورى جيناقتالدى. سوندىقتان ءفيلمنىڭ جالعاسى مىندەتتى تۇردە بولادى», – دەيدى ر.ابدىراشەۆ.
تاريحي جوبانىڭ اۆتورى – قر پرەزيدەنتى ن. نازارباەۆ. فيلم قر مادەنيەت جانە سپورت مينيسترلىگىنىڭ تاپسىرىسى بويىنشا ش.ايمانوۆ اتىنداعى «قازاقفيلم» اق «Centaurus Rustem Abdrashev production» جشس-ءنىڭ قاتىسۋىمەن تۇسىرىلگەن.
ايتا كەتەيىك, بۇعان دەيىن «الماس قىلىش» ءفيلمىنىڭ تۇساۋكەسەر كورسەتىلىمى استانا مەن الماتى قالالارىندا وتكەن. وعان قاتىسقانداردىڭ بارلىعى جاڭا كينوتۋىندىعا جوعارى باعا بەرگەن. پرەزيدەنت نۇرسۇلتان نازارباەۆ تا اتالعان ءفيلمدى «قازاق حالقىنىڭ ۇلتتىق سانا-سەزىمىن كوتەرەتىن تۋىندى» دەپ باعالادى.