ءماجىلىس دەپۋتاتتارى جۇمىس ساپارىمەن قوستاناي وبلىسىنا بارىپ, شارۋالارمەن جۇزدەستى, دەپ حابارلادى 24.kz.
مۇندا ولار اگرارلىق سالاعا قاتىستى قابىلدانعان زاڭ نورمالارىنىڭ جەرگىلىكتى جەردە قالاي جۇزەگە اسىپ جاتقانىمەن تانىستى.
ايتا كەتۋ كەرەك, وتكەن جىلى پارلامەنت «100 ناقتى قادام ۇلت جوسپارى» شەڭبەرىندە 52 زاڭ جوباسىن بەكىتتى. سولاردىڭ كەم تۇسى بولسا قايتا قاراپ, تولىقتىرۋ دا – ساپاردىڭ ءبىر ماقساتى. سونداي-اق, دەپۋتاتتار اگروونەركاسىپ سالاسىن دامىتۋدىڭ 2017-2021 جىلدارعا ارنالعان جاڭا باعدارلاماسىن تالقىعا سالدى. مال شارۋاشىلىعى سالاسىندا باسەكەگە قابىلەتتى ءونىم شىعارۋ - باستى نازاردا. بۇل رەتتە ۇساق شارۋاشىلىقتاردى كووپەراتيۆكە بىرىكتىرۋدىڭ ماڭىزى زور.
«بارلىعىمىز ءتۇسىنىپ وتىرمىز ءبىر جەرگە بىرىگۋ كەرەك, بىرىككەن كەزدە جاڭا اگروتەحنولوگيالاردى قولدانۋعا مۇمكىندىك بەرەدى. بانكتەردىڭ اۋىلداعى وسى شارۋاشىلىقتارعا دەگەن سەنىمى كوبەيەدى. ءونىمدى ساتۋ ماسەلەسى دە ءبىراز قيىندىقتار تۋدىرادى. ساتۋ ءۇشىن قويمالار كەرەك, كولىك يگەرسەك, سونىڭ ءبارى بىرىگىپ ءبىر جەردەن شەشىلەتىن بولسا, بۇل شىعارىلاتىن ءونىمنىڭ باعاسىن تومەندەتۋگە مۇمكىندىك بەرەدى», – قر پارلامەنتى ءماجىلىسىنىڭ دەپۋتاتى ساپارحان وماروۆ.