Air Arabia اۋەكومپانياسىنىڭ قازاقستانداعى وكىلدىگى تاراتقان اقپاراتقا سايكەس شاردجا قالاسىنداعى (بىرىككەن اراب امىرلىگى) ۇشۋ قاۋىپسىزدىگىنە اسەر ەتەتىن اۋا رايى قولايسىزدىعىنا بايلانىستى (قاتتى تۇمان, ناشار كورىنۋ) Air Arabia-نىڭ 2016 جىلعى 29,30,31 جەلتوقسانعا جوسپارلانعان شاردجا - استانا جانە شاردجا - الماتى باعىتىنداعى رەيستەرىنە شەكتەۋ قويىلدى دەپ حابارلايدى قر ينۆەستيتسيالار جانە دامۋ مينيسترلىگىنىڭ ءباسپاسوز قىزمەت.
سونىمەن قاتار الەمنىڭ باسقا دا ونداعان مەملەكەتىنە (ارمەنيا, ۋكراينا, رەسەي, باحرەين, قاتار, ەگيپەت جانە ت.ب.) ۇشۋى جوسپارلانعان رەيستەر كەيىنگە شەگەرىلدى. قالىپتاسقان جاعدايدى شەشۋ ءۇشىن قر ينەستيتسيالار جانە دامۋ مينيسترلىگىندە تۋريزم يندۋسترياسى دەپارتامەنتى, ازاماتتىق اۆياتسيا كوميتەتى, قازاقستان رەسپۋبليكاسى سىرتقى ىستەر مينيسترلىگى قىزمەتكەرلەرىنەن تۇراتىن جەدەل باسقارۋ شتابى قۇرىلىپ, قىزمەت ەتۋدە.
ءباا-ءنىڭ سايكەس مەملەكەتتىك ورگاندارى مەن Air Arabia اۋەكومپانياسىنا رەيستەردى شەكتەۋدىڭ سالدارىنان ورىن العان جاعدايدى جانە قازاقستاندىق جولاۋشىلاردى ەلگە قايتارۋ ماسەلەسىن جەدەل تۇردە رەتتەۋ تۋرالى تالاپپەن ازاماتتىق اۆياتسيا كوميتەتىنەن رەسمي حاتتار جانە قر ءسىم نوتاسى جىبەرىلدى.
جولاۋشىلاردىڭ 300 ادامنان تۇراتىن ءبىر بولىگى باسقا تۇراقتى اۋەكومپانيا رەيستەرىمەن جانە SCAT اۋەكومپانياسىنىڭ شاردجا – الماتى – شاردجا باعىتى بويىنشا ۇشاتىن قوسىمشا رەيسىمەن جەتكىزىلدى. Air Arabia اۋەكومپانياسىنىڭ اقپاراتى بويىنشا كەيىنگە شەگەرىلگەن رەيستەردىڭ جولاۋشىلارىنا بيلەت ءتاريفىنىڭ تولىق قۇنى وتەلەتىن بولادى.
Air Arabia اۋەكومپانياسىنىڭ شاردجا – الماتى – شاردجا رەيسىنىڭ ورىندالۋى وسى جىلدىڭ 2 قاڭتارىنا جوسپارلانعان بولاتىن. بىراق, اۋا رايىنىڭ وتە قولايسىز بولىپ تۇرعانىنا بايلانىستى رەيس كەشىكتىرىلۋى مۇمكىن.
قازاقستاندىق تۋريستەرگە ساپارلارىن تۋروپەراتورلارمەن كەلىسىپ بەلگىلەۋ ۇسىنىلادى. ال, رەيستىڭ كەيىنگە شەگەرىلۋى ۇزاققا سوزىلاتىن بولسا, Air Arabia اۋەكومپانياسىنىڭ وكىلدىگىنە بيلەت قۇنىن وتەپ الۋ جونىندە حابارلاسۋعا بولادى.