Air Arabia اۆياكومپانياسىنىڭ استانا-شاردجا رەيسى كەيىنگە شەگەرىلدى. بۇل تۋرالى قر يدم تۋريزم يندۋسترياسى دەپارتامەنتىنىڭ باسشىسى مارات يعالي ءوزىنىڭ فەيسبۋكتاعى پاراقشاسىندا حابارلادى.
«بۇگىن استانا اۋەجايىندا كولىك پروكۋراتۋراسى قىزمەتكەرلەرىمەن بىرگە كەيىنگە شەگەرىلگەن Arabia اۆياكومپانياسىنىڭ استانا-شاردجا رەيسى جولاۋشىلارىمەن كەزدەسىپ قايتتىق. جاعدايدى تۇسىندىردىك. بارلىق سۇراقتارىنا جاۋاپ بەردىك» دەپ جازدى ول الەۋمەتتىك جەلىدە.
«قر يدم تۋريزم يندۋسترياسى دەپارتامەنتى قر سىرتقى ىستەر مينيسترلىگىمەن ۇنەمى بايلانىستا. ءبىزدىڭ ديپلوماتتار ارابيالىق ارىپتەستەرىمەن ءتيىستى جۇمىستاردى جۇرگىزىپ جاتىر» دەگەن مالىمەت كەلتىرەدى مارات يعالي.
ەسكە سالا كەتەيىك, بۇعان دەيىن باق 170 جولاۋشى استانادان ءباا-گە ۇشا الماي وتىرعانىن حابارلاعان بولاتىن.