قر ۇلتتىق بانكى "Delta Bank" اق جەكە تۇلعالاردىڭ دەپوزيتتەرىن قابىلداۋ, بانك شوتتارىن اشۋ بولىگىندە بانكتىك جانە وزگە دە وپەراتسيالاردى جۇرگىزۋگە جانە باعالى قاعازدار نارىعىنداعى قىزمەتتى جۇزەگە اسىرۋعا بەرىلگەن ليتسەنزيانىڭ قولدانىلۋىن جاڭارتۋ تۋرالى شەشىم قابىلدادى. بۇل تۋرالى ۇلتتىق بانكتىڭ ءباسپاسوز قىزمەتى حابارلادى.
"2016 جىلعى 29 جەلتوقساندا "Delta Bank" اكتسيونەرلىك قوعامىنا جەكە تۇلعالاردىڭ دەپوزيتتەرىن قابىلداۋ, بانك شوتتارىن اشۋ بولىگىندە بانكتىك جانە وزگە دە وپەراتسيالاردى جۇرگىزۋگە جانە باعالى قاعازدار نارىعىنداعى قىزمەتتى جۇزەگە اسىرۋعا بەرىلگەن ليتسەنزيانىڭ قولدانىلۋىن جاڭارتۋ تۋرالى» قازاقستان رەسپۋبليكاسى ۇلتتىق بانكى باسقارماسىنىڭ № 318 قاۋلىسى (بۇدان ءارى - قاۋلى) قابىلداندى. بۇل قاۋلىمەن 2016 جىلعى 29 جەلتوقساننان باستاپ "Delta Bank" اق-قا (بۇدان ءارى - بانك) جەكە تۇلعالاردىڭ دەپوزيتتەرىن قابىلداۋدى, بانك شوتتارىن اشۋدى قايتا جۇزەگە اسىرۋعا رۇقسات بەرىلدى", - دەلىنگەن حابارلامادا.
قاۋلى قازاقستان رەسپۋبليكاسى پرەزيدەنتىنىڭ 2003 جىلعى 31 جەلتوقسانداعى №1271 جارلىعىمەن بەكىتىلگەن قازاقستان رەسپۋبليكاسىنىڭ ۇلتتىق بانكى تۋرالى ەرەجەنىڭ 23-تارماعىنىڭ 31) تارماقشاسى نەگىزىندە, بانكتىڭ اكتيۆتەردىڭ ساپاسىن جاقسارتۋعا, تاۋەكەلدەردى باسقارۋ جانە ىشكى باقىلاۋ جۇيەلەرىن جەتىلدىرۋگە باعىتتالعان بىرقاتار ءىس-شارالاردى جۇرگىزۋى تۋرالى ءوتىنىشىن جانە راستايتىن قۇجاتتارىن قاراۋ قورىتىندىلارى بويىنشا, سونداي-اق بانك اكتسيونەرلەرىنىڭ بانكتىڭ وتىمدىلىگىن قولداۋ جانە قوسىمشا كاپيتالداندىرۋ بويىنشا وزدەرىنە قابىلداعان مىندەتتەمەلەرىن ەسكەرە وتىرىپ قابىلداندى.