جۇزۋدەن وليمپيادا چەمپيونى, جاڭاجىلدىق "ناۆسترەچۋ مەچتە" كومەدياسىنا تۇسكەن دميتري بالاندين جىلدى قورىتىندىلادى. Vesti.kz سايتىنا بەرگەن سۇحباتىندا, ول ءوزىنىڭ كەلەسى جىلعا جوسپارلارىن ءبولىسىپ, قازاقستانداعى ەڭ مىقتى سپورتشىنىڭ ەسىمىن جاريالادى.
"مەنىڭ ويىمشا, سوڭعى رەت تۇسكەن تۇسىرىلىمنەن كەيىن, ماعان باستى ءرولدى بەرە قويماس. ال, ەگەر ۇسىنىس ءتۇسىپ جاتسا, مەن قۋانا كەلىسەمىن. فيلمدە ەڭ قيىن كەز ديلناز احماديەۆا قاتىسقاندا بولدى (كۇلەدى). وزدەرىڭىز كورىپ, باعاسىن بەرەرسىزدەر, مەنىڭ ويىمشا, جاقسى شىقتى", - دەدى بالاندين.
ءتىلشىنىڭ "سىزدى ءجيى تانىپ, كوپ مازالايتىن شىعار؟ جۇلدىز اۋرۋىمەن قالاي كۇرەسەسىز؟ دەگەن سۇراقتارىنا بالاندين بىلاي دەپ جاۋاپ بەردى: "وسى قازىر عانا ليفتتە كوتەرىلىپ كەلە جاتقانىمىزدا بىرنەشە ادام مەنىمەن امانداستى. كۇنىنە 3-4 ادام كەلىپ اۆتوگراف الىپ جاتادى. كوبىنەسە بالالار, ال بالالارمەن تىلدەسكەن قىزىعىراق. ماعان تۋىستارىم, دوستارىم, جاقىندارىم جەرگە تۇسۋىمە كومەك بەرەدى. ەڭ باستىسى قاسىڭداعى ادامداردىڭ جاقسى بولۋى, سولاردىڭ ىقپالىنان قاراپايىم بولا تۇسەمىن".
سوڭعى كەزدەرى بالاندين مەن نيجات راحيموۆتىڭ اسكەر قاتارىندا بورىشىن وتەپ ءجۇر دەگەن مالىمەتتەر تاراعان. ولار "دينامودا" اسكەري بورىشىن وتەيتىن بولادى. ولار مىندەتتەلگەن كەيبىر شارالارعا قاتىسىپ, بىراق بارلىعى سياقتى ءبىر كازارمادا ءومىر ءسۇرىپ ەمەس, ەركىن تارتىپتە بولادى ەكەن.
"وليمپيادا ويىندارىنا وتە كوپ كۇش جۇمسالادى, وسىدان كەيىن ءبىراز ۋاقىت دەمالۋ قاجەت. الايدا قاڭتار ايىنان باستاپ بەلسەندى تۇردە جاتتىعۋلاردى باستايمىن. اقپان ايىندا ىستىقكولگە بارىپ دايىندالامىز. تامىز ايىندا وتەتىن الەم چەمپيوناتىنا دايىندالامىن. بيىلعى وتكەن جىلعا ءدان ريزامىن", - دەدى وليمپيادا چەمپيونى.
ءبالانديننىڭ ايتۋىنشا, قازاقستانداعى ەڭ مىقتى سپورتشى اتاعى گەننادي گولوۆكينگە بەرىلۋى ءتيىس. "مەن وعان وسى اتاقتى جىل سايىن بەرەر ەدىم. ول الەمدىك ارەنالاردى باعىندىرىپ ءجۇر. مەن ونىڭ جەكپە-جەكتەرىن ۇزبەي كورەمىن, ەڭ باستىسى ول شارشى الاڭدا ءوزىن ەركىن ءارى لايىقتى ۇستايدى. ول جىل سپورتشىسى اتانۋعا ابدەن لايىقتى", - دەدى ول.