بەرىك شولپانقۇلوۆ قازاقستان رەسپۋبليكاسى قارجى ۆيتسە-ءمينيسترى بولىپ تاعايىندالدى, دەپ حابارلايدى ۆەدومستۆونىڭ ءباسپاسوز قىزمەتى.
قر قارجى ءمينيسترىنىڭ بۇيرىعىمەن بەرىك شولپانكۇلوۆ قر قارجى مينيسترلىگى قارجى مونيتورينگى قوميتەتىنىڭ توراعاسى قىزمەتىنەن بوساتىلدى جانە قازاقستان رەسپۋبليكاسى ۇكىمەتىنىڭ 2016 جىلى 14 جەلتوقسانداعى №870 قاۋلىسىنا سايكەس, قارجى ۆيتسە-ءمينيسترى بولىپ تاعايىندالدى.
ب.ش. شولپانقۇلوۆ 1976 جىلى تۋعان, قازاق, ءبىلىمى جوعارى. 1996 جىلى قازاق مەملەكەتتىك اگرارلىق ۋنيۆەرسيتەتىن «بۋحگالتەرلىك ەسەپ, باقىلاۋ جانە شارۋاشىلىق قىزمەتىن تالداۋ» ماماندىعى بويىنشا, 2016 جىلى قازاقستان رەسپۋبليكاسىنىڭ تۇڭعىش پرەزيدەنتى - ەلباسى اتىنداعى ۇلتتىق قورعانىس ۋنيۆەرسيتەتىن «اسكەري جانە مەملەكەتتىك باسقارۋ» ماماندىعىمەن بىتىرگەن.
ەڭبەك جولىن 1996 جىلعى قازاندا قازاقستان رەسپۋبليكاسى قارجى مينيسترلىگىنىڭ جانىنداعى قازىناشىلىق كوميتەتىندە كاسسالىق قاراجات جانە مەملەكەتتىك بورىش باسقارماسىنىڭ قولما-قول اقشانى باسقارۋ ءبولىمىنىڭ قازىناشىسى لاۋازىمىنان باستادى. وسى كوميتەتتىڭ باس قازىناشىسى, ءبولىم باستىعى بولىپ جۇمىس ىستەدى.
2001 جىلعى قازاننان باستاپ 2004 جىلعى شىلدە اراسىندا - قازاقستان رەسپۋبليكاسى قارجى مينيسترلىگىنىڭ قازىناشىلىق كوميتەتى قولما-قول اقشانى باسقارۋ جانە مەملەكەتتىك مىندەتتەمەلەردى ەسەپكە الۋ باسقارماسىنىڭ باستىعى.
2004 جىلعى شىلدەدەن باستاپ 2008 جىلعى جەلتوقسان ارالىعىندا قازاقستان رەسپۋبليكاسى قارجى مينيسترلىگىنىڭ قازىناشىلىق كوميتەتى توراعاسىنىڭ ورىنباسارى لاۋازىمىن اتقاردى.
2008 جىلعى جەلتوقساننان باستاپ 2014 جىلعى ماۋسىم ارالىعىندا - قازاقستان رەسپۋبليكاسىنىڭ قارجى ۆيتسە-ءمينيسترى. 2014 جىلعى شىلدەدەن باستاپ - قازاقستان رەسپۋبليكاسى قورعانىس ءمينيسترىنىڭ ەكونوميكا جانە قارجى جونىندەگى ورىنباسارى.
ۇيلەنگەن, ەكى ۇلى جانە ءبىر قىزى بار.
ماراپاتتارى: قازاقستان رەسپۋبليكاسى قارجى مينيسترلىگىنىڭ قۇرمەت گراموتالارى, «استانانىڭ 10 جىلدىعى» مەرەيتويلىق مەدالى, «قازاقستان رەسپۋبليكاسىنىڭ تاۋەلسىزدىگىنە 20 جىل» مەرەيتويلىق مەدالى, «ەرەن ەڭبەگى ءۇشىن» مەدالى, «قارجى قىزمەتىنىڭ ۇزدىگى» توسبەلگىسى, «زا ۆكلاد ۆ سوزدانيە ەۆرازيسكوگو ەكونوميچەسكوگو سويۋزا» «ەۋرازيالىق ەكونوميكالىق وداقتى قۇرۋداعى ۇلەسى ءۇشىن» II دارەجەلى مەدالى.