قازاقستاندا «نۇرلى جول» باعدارلاماسى بويىنشا تكش-ءنى جاڭعىرتۋ سالاسىندا 2016 جىلى 56,1 كم جىلۋمەن قامتاماسىز ەتۋ جەلىسى جاڭعىرتىلدى, دەپ حابارلايدى strategy2050.kz.
20 جەلتوقساندا وتكەن قر ۇكىمەتىنىڭ وتىرىسىندا قازاقستاندا قوعامدىق-ساياسي تۇراقتىلىق ساقتالىپ, جۇمىسسىزدىق دەڭگەيىن وسىرمەۋ جۇزەگە اسىرىلعانى ايتىلدى.
ماسەلەن, «نۇرلى جول» باعدارلاماسى بويىنشا كولىكتىك-لوگيستيكالىق, يندۋستريالىق, الەۋمەتتىك جانە تۇرعىن ءۇي سالاسىندا ىرى ينفراقۇرىلىمدىق جوبالاردىڭ قۇرىلىسى جۇرگىزىلدى.
««نۇرلى جول» مەملەكەتتىك باعدارلاماسى كونتركەزەڭدىك ماعىناعا يە, سوندىقتان ول ەكونوميكانىڭ قۇرىلىمدىق رەفورمالارىن جالعاستىرادى», - دەدى ەلباسى نۇرسۇلتان نازارباەۆ 2014 جىلدىڭ 11 قاراشاسىنداعى جولداۋىندا.
بيىلعى جىلدىڭ 11 ايىندا «نۇرلى جول» باعدارلاماسى بويىنشا 435 ملرد تەڭگە نەمەسە جىلدىق كولەمنىڭ 92% -ى يگەرىلدى. جىل بويىنشا رەسپۋبليكالىق دەڭگەيدە ورىندالۋ كولەمى شامامەن 99,9% بولادى دەپ كۇتىلۋدە.
جەرگىلىكتى ورگاندار 215,5 ملرد تەڭگەنى نەمەسە بەرىلگەن قاراجاتتىڭ 94,5%-ىن يگەرگەن, 12 ملرد تەڭگە يگەرىلمەگەن.
يگەرىلمەگەن قاراجاتتىڭ ەڭ كوپ كولەمى ماڭعىستاۋ مەن اقتوبە وبلىستارىندا بايقالادى. اۋتسايدەرلەر قاتارىندا الماتى, اقمولا جانە اتىراۋ وبلىستارى بار.
جۇمىس ءوندىرىسى كەستەسىنەن كەشىگۋ يگەرىلمەۋدىڭ نەگىزگى سەبەبى بولىپ تابىلادى.
مەملەكەتتىك باعالى قاعازداردى ورنالاستىرۋدان تۇسكەن قاراجات 87,4%-عا نەمەسە 25 ملرد تەڭگەگە يگەرىلگەن. جىل سوڭىنا دەيىن 13 ملرد تەڭگەنى يگەرۋ كەرەك.
«نۇرلى جول» ينفراقۇرىلىمدى دامىتۋدىڭ 2015-2019 جىلدارعا ارنالعان مەملەكەتتىك باعدارلاماسى شەڭبەرىندە 17 جوبانى ىسكە اسىرۋ كوزدەلگەن, سونىڭ ىشىندە كولىك سالاسىندا 16 جوبا: اۆتوموبيل جولدارى سالاسىندا – 11, تەمىر جول سالاسىندا – 2 جوبا, سۋ شارۋاشىلىعى, ازاماتتىق اۆياتسيا جانە لوگيستيكا سالاسىندا – 1 جوبادان, سونداي-اق كرەديتتىك قۇرعىن ءۇي جانە ۇلەستىك سالىمداردى قورعاۋ ماسەلەلەرى بويىنشا – 1 جوبا.
«نۇرلى جول» شەڭبەرىندە وسى جوبالاردى ىسكە اسىرۋعا 2016 جىلى 349,8 ملرد تەڭگە بولىنگەن, سونىڭ ىشىندە – ۇلتتىق قوردان 171,3 ملرد تەڭگە بولىنگەن. 47 % - 165,9 ملرد تەڭگە يگەرىلگەن, سونىڭ ىشىندە ۇق - 73 ملرد تەڭگە (43%), 183,9 ملرد تەڭگەنى يگەرۋ قاجەت, سونىڭ ىشىندە ۇق-دان – 98,3 ملرد تەڭگە.