الماتىدا 2017 جىلى بىرقاتار قالالىق ساياباقتار قايتا قۇرىلادى, بۇل جونىندە الماتى قالاسى ءماسليحاتىنىڭ XII سەسسياسىندا بەلگىلى بولدى, دەپ حابارلايدى strategy2050.kz.
قولايلى قوعامدىق كەڭىستىكتەر جاساۋ ماقساتىندا تۇڭعىش پرەزيدەنت, وڭتۇستىك ساياباقتارىن قايتا قۇرۋ, سونداي-اق تاعى 22 ساياباقتى اباتتاندىرۋعا جسق ازىرلەۋ جوسپارلانۋدا.
قالا اكىمدىگىندە كوكتەمنەن باستاپ جىبەك جولى كوشەسىندە, استانا الاڭىندا, پانفيلوۆ, قابانباي باتىر جانە گوگول كوشەلەرىندە جاياۋ جۇرگىنشىلەر ايماعىن جاساۋ بويىنشا جۇمىستار باستالاتىنى حابارلاندى.
سونداي-اق بىرىڭعاي ساۋلەت ستيلىندە قالالىق جيھاز بەن شاعىن ساۋلەت نىساندارىن ورناتۋ بويىنشا جۇمىس جالعاساتىن بولادى. قالانى بۇتالارمەن جانە گۇلدەرمەن كوگالداندىرۋعا جۇمسالاتىن شىعىستار ۇلعايتىلدى.
بيىلعى جىلى 290 قالالىق ءۇي اۋلالارىن اباتتاندىرۋ جۇرگىزىلىپ, وعان 2 ملرد تەڭگە بولىنگەنى بەلگىلى. كەلەسى جىلى تاعى 400 اۋلا اباتتاندىرىلاتىن بولادى.
قاردىڭ اناعۇرلىم ساپالى تازالانۋىن قامتاماسىز ەتۋ ماقساتىندا 93 قار تازالاۋ ماشيناسىن ساتىپ الۋ كوزدەلگەن (4,5 ملرد تەڭگە).
بۇدان بولەك, 2017 جىلى نەگىزىنەن قوسىلعان اۋماقتاردا 260 شم استام ارىق جەلىسىن سالۋ جانە قايتا قۇرۋ جوسپارلانعان.