اكتسيا قورىتىندىلارى بويىنشا ءوڭىر تۇرعىندارى 14 ملرد 248 ملن 722 مىڭ تەڭگەگە 3967 جىلجىمايتىن م ۇلىك نىسانىن جاريا ەتتى, دەپ حابارلادى شقو اقپارات ورتالىعى.
«وسى اكتسيا تىركەلمەگەن ۇيلەر مەن ساياجايلاردى, كوممەرتسيالىق نىسانداردى زاڭداستىرۋعا, سالىق سالۋدان جاسىرىلعان جانە «كولەڭكەلى اينالىمعا» اكەتىلگەن م ۇلىك پەن قاراجاتتى ۇسىنۋعا جاقسى مۇمكىندىك بولدى. وسى رەتتە زاڭداستىرۋ سۋبەكتىلەرىنە زاڭداستىرۋدىڭ بارىنشا وڭايلاتىلعان, قولجەتىمدى تاسىلدەرى جانە بىرقاتار كەپىلدىكتەر بەرىلدى», - دەلىنگەن حابارلامادا.
جۇرگىزىلگەن جاريا ەتۋ قورىتىندىلارى وسى اكتسيانىڭ ارتىقشىلىقتارىن نەگىزىنەن تىركەلمەگەن مۇلكىن زاڭداستىرعان جەكە تۇلعالار پايدالانعانىن كورسەتتى. جالپى وبلىس بويىنشا ەكى جىلدان استام ۋاقىت ىشىندە 6647 ءوتىنىش بەرىلگەن.
شىعىس قازاقستاندا جالپى قۇنى 14 ملرد 248 ملن 722 مىڭ تەڭگەنى قۇرايتىن 3967 جىلجىمايتىن م ۇلىك نىسانى جاريا ەتىلگەن, سونىڭ ىشىندە 1302 تۇرعىن ءۇي, 2375 ءۇي مەن ساياجاي, 283 كوممەرتسيالىق نىسان.
30 جەلتوقسانعا دەيىن كوميسسيانىڭ قاراۋىندا جىلجىمايتىن م ۇلىكتى جاريا ەتۋگە ارنالعان 1914 ءوتىنىش بار.
ەسكە سالا كەتەيىك, قازاقستاندا م ۇلىك پەن كاپيتالدى جاريا ەتۋگە قۇجاتتاردى قابىلداۋ اياقتالدى.