بۇگىن شىمكەنت قالاسىندا 216 پاتەرلى 9 قاباتتى ەكى تۇرعىن ءۇي پايدالانۋعا بەرىلدى, دەپ حابارلايدى وقو اكىمىنىڭ ءباسپاسوز قىزمەتى.
«كوپتەن كۇتكەن قۋانىشقا قول جەتكىزگەن جاس وتباسىلار ەندى جاڭا جىلدى جاڭا قونىستا قارسى الماق. بۇگىندە ەلىمىزدە جاستاردىڭ ءبىلىم الۋىنا ءتۇرلى جاعدايلار جاسالىپ, جۇمىسپەن جانە تۇرعىن ۇيمەن قامتىلۋ ءۇشىن كەشەندى باعدارلامالار جۇزەگە اسۋدا. بۇل ءوز كەزەگىندە ەلباسىنىڭ جاستارعا جاساعان قامقورلىعىنىڭ ءبىر پاراسى عانا», - دەدى وبلىس اكىمى ج.تۇيمەباەۆ.
الەۋمەتتىك نىسان «نۇرلى جول» مەملەكەتتىك باعدارلاماسى اياسىندا سالىنىپ, پاتەرلەر «تۇرعىن ءۇي قۇرىلىس جيناق بانكى» جاس وتباسى ساناتىنا جاتاتىن وتباسىلارعا ساتىپ الۋ قۇقىعىمەن جالعا بەرۋ ارقىلى جۇزەگە اسىرىلۋدا.
ايتا كەتەيىك, اتالعان باعدارلاما اياسىندا 2014 جىلى 84 وتباسى, 2015 جىلى 270 جاس وتباسى باسپانامەن قامتىلعان.