سۋرەتشىلەر سپورتتى ناسيحاتتادى

كەشە استاناداعى قازاقستان رەسپۋبليكاسى تۇڭعىش پرەزيدەنتى مۋزەيىندە ەلىمىز تاۋەلسىزدىگى مەن قازاقستان ۇلتتىق وليمپيالىق كوميتەتىنىڭ 25 جىلدىعىنا ارنالعان سۋرەتشىلەر كونكۋرسىنىڭ قورىتىندىسى شىعارىلدى. كونكۋرس قازاقستان ۇلت­تىق وليمپيالىق كوميتە­تى­نىڭ پرەزيدەنتى تيمۋر قۇ­لى­­باەۆ­تىڭ باستاماسىمەن ۇيىم­داستىرىلدى. ول بەي­نەلەۋ ونەرى ارقىلى سپورت­تى ناسيحاتتاپ جۇرگەن وتاندىق سۋرەتشىلەردىڭ شىعارما­شىلىق­تارىنا قولداۋ كورسەتۋ ماقساتىندا وتكىزىلدى. ال باي­قاۋ شارتىنا سايكەس, وعان قاتىس­قان تۋىندىلار قازاقستان سپورتىنىڭ 25 جىلداعى جەتىس­تىك­تەرى مەن وليمپيزم يدەولوگياسىن بەينەلەۋلەرى ءتيىس بولاتىن. ناتيجەسىندە, جەتى ايدىڭ ىشىندە كونكۋرسقا ەلىمىزدىڭ كاسىپقوي سۋرەتشىلەرىنىڭ 30-عا جۋىق ەڭبەگى كەلىپ ءتۇستى. ساراپشىلار كوميسسياسى وسى جۇمىستاردى سارالاي كەلىپ, بەيبىت اسەمقۇلدىڭ «جارقىن بولاشاق» اتتى كارتيناسىن ءبىرىنشى ورىنعا لايىقتى دەپ تاپتى. وسى ەڭبەگى ءۇشىن قىلقالام شەبەرىنە ارنايى سەرتيفيكات پەن 5 ميلليون تەڭگە تارتۋ ەتىلدى. سىيلىعى 3 ميلليون تەڭ­گەلىك ەكىنشى ورىن «سامعاۋ» دەگەن پولوتنوسىن ۇسىنعان جەڭىس نۇرلىباەۆقا بەرىلدى. قا­زىلار القاسى سونداي-اق, 1 ميلليون تەڭگەلىك سەرتيفيكاتى بار ءۇشىنشى ورىندى «جەڭىل اتلەتيكا» دەگەن ەڭبەگىمەن كەلگەن سەمبىعالي سماعۇلوۆقا تاپسىردى. كونكۋرسقا قاتىسۋ­شىلاردىڭ قالعاندارى ۇلتتىق وليمپيالىق كوميتەتتىڭ ىنتالاندىرۋ سىيلىعىن الدى. تالعات رايىمبەك, «ەگەمەن قازاقستان» استانا