انكاراداعى قايعىلى وقيعا تۇرىك ليراسىن السىرەتىپ جىبەردى

دۇيسەنبى كۇنى كەشكىسىن انكارادا رەسەي ەلشىسى ادرەي كارلوۆتىڭ ءولتىرىلۋى تۇرىك ليراسىن قۇلدىراتىپ جىبەردى. دۇيسەنبىدەگى ساۋدا-ساتتىقتىڭ قورىتىندىسى بويىنشا ونىڭ دوللارعا ايىرباس باعامى 1%-داي السىرەدى, دەپ حابارلايدى New York Times. «مۇنداي وقيعا قور نارىعىندا ازداعان ارزانداۋلارعا, ۆاليۋتالاردىڭ السىرەۋىنە جانە يندەكستەردىڭ تومەندەۋىنە اكەپ سوعادى. ماسكەۋ مەن انكارا اراسىندا قالىپتاسقان شيەلەنىستى قاتىناستاردى ەسكەرسەك,  قازىر ينۆەستورلار ادەتتەگىدەي ەمەس, قاۋىپتى اكتيۆتەردەن بەلسەندى شىعا باستادى», – دەپ ءتۇسىندىردى  فينام ساراپشىسى تيمۋر نىعماتۋللين. دەي تۇرعانمەن  تاراپتاردىڭ رەسمي مالىمدەمەسى  جاعدايدى رەتتەۋگە سەپتىگىن تيگىزدى. وقيعادان سوڭ ىلە-شالا تۇركيا پرەزيدەنتى رەجەپ تايىپ ەردوعان  رەسەي باسشىسى ۆلاديمير پۋتينگە  قوڭىراۋ شالىپ, كوڭىل ايتتى. ءوز كەزەگىندە رەسەي پرەزيدەنتى ەلشىنى ولتىرۋگە تاپسىرىس بەرگەندەردىڭ ماقساتى – ماسكەۋ مەن انكارا اراسىندا جانجال تۋدىرىپ, ديالوگتى بولدىرماۋ ەكەنىن مالىمدەدى. «بۇل ءتىپتى سيريادا لاڭكەستىككە قارسى بىرلەسىپ ارەكەت ەتۋ ءۇشىن ەلدەردى جاقىنداستىرۋى مۇمكىن», – دەپ جازادى باسىلىم.