قازاقستان ەلورداسىندا جىل باسىنان بەرى ايالداما پاۆيلوندارى ورناتىلىپ, ەلەكتروندىق جولاقى تولەۋ جۇيەسى مەن جۇكتەمەسى كوپ بىرقاتار كوشەدە ءبىر باعىتتى قوزعالىس ەنگىزىلدى, قوعامدىق كولىك ءۇشىن جولاقتار ءبولىندى, دەپ حابارلايدى استانا اكىمدىگى.
2016 جىلى استانادا 45 ايالداما پاۆيلونى ورناتىلدى, 55 دانا كولەمىندە «جابىق تيپتەگى ايالداما پاۆيلوندارىنىڭ قۇرىلىسى» جوبالىق-سمەتالىق قۇجاتتاردى ازىرلەۋ بويىنشا جۇمىس جۇرگىزىلدى, 5 باعدارشامدىق نىسان ورناتىلدى.
سونداي-اق, قالادا ەلەكتروندىق جولاقى تولەۋ جۇيەسى (ەجتج): 4 قازاننان باستاپ ەجتج ەكسپرەسس-باعىتتاردا, ال 9 قاراشادان قالالىق باعىتتاردا ەنگىزىلدى.
سونداي-اق, قالانىڭ كوشى-جول جەلىسىنە جۇكتەمەنى تومەندەتۋ ماقساتىمەن جەتى كوشەدە ءبىر باعىتتى قوزعالىس ەنگىزىلدى.
«جوبا ەنگىزىلگەننەن كەيىن كولىك اعىنىنىڭ ورتاشا قوزعالىس جىلدامدىعى 30%-عا دەيىن ارتتى, جول قيىلىستارىندا ىركىلۋ ۋاقىتى 78-دەن 40 سەكۋندقا دەيىن قىسقاردى, ال كولىك قۇرالدارىنىڭ قارقىندىلىعى 20%-عا ارتتى», - دەپ اتاپ كورسەتتى كولىك باسقارماسىنداعىلار.
سونىمەن قاتار, 2016 جىلى ەلوردانىڭ كولىك ينفراقۇرىلىمىن جاڭعىرتۋ شەڭبەرىندە قوعامدىق كولىكتەر ءۇشىن جەكە جولاق - Bus lane ءبولۋ بويىنشا جۇمىس باستالدى. جىل باسىنان بەرى قالانىڭ قوزعالىسى تىعىز بەس كوشەسىندە جالپى ۇزىندىعى 38,4 كم بولاتىن جەكە جولاقتار پايدا بولدى. سونداي-اق, ITS ەكىنشى كەزەگىن ىسكە اسىرۋ بويىنشا جۇمىستار باستالدى, 54 جول قيىلىسىن اۆتوماتتاندىرۋ قاراستىرىلعان.
2016 جىلى جەلەزنودوروجنىي, پرومىشلەننىي تۇرعىن الاپتارىنا, قوبىلاندى باتىر كوشەسىمەن قوعامدىق كولىك جۇرە باستادى.