قوستاناي وبلىسى اكىمدىگىندەگى جاڭا تاعايىنداۋ بولدى, دەپ حابارلايدى ۆەدومستۆونىڭ ءباسپاسوز قىزمەتى.
وبلىس اكىمىنىڭ 2016 جىلدىڭ 7 جەلتوقسانداعى وكىمىمەن شايىموۆ مۇرات امانتاي ۇلى ارنايى تەكسەرىس قورىتىندىسىن العانعا دەيىن قوستاناي وبلىستىق كاسىپكەرلىك جانە يندۋستريالدى-يننوۆاتسيالىق دامۋ باسقارماسى باسشىسىنىڭ ۋاقىتشا مىندەتىن اتقارۋشى بولىپ تاعايىندالدى.
ول 1973 جىلى اقمولا وبلىسىندا تۋعان. ۇلتى - قازاق. جوعارى ءبىلىمدى, 1995 جىلى نيجەگورود جوعارى اسكەري تىل ۋچيليششەسىن ينجەنەر-ەكونوميست ماماندىعى بويىنشا تامامداعان.
1991 جىلدىڭ تامىز ايىنان 2009 جىلدىڭ اقپانىنا دەيىن قازاقستان رەسپۋبليكاسىنىڭ قارۋلى كۇشتەرىندە قىزمەت اتقاردى. 2009 جىلدىڭ اقپانىنان مامىر ايىنا دەيىن «استانا مەديتسينا ۋنيۆەرسيتەتى» اق ماتەريالدىق قامتاماسىز ەتۋ ديرەكتورى رەتىندە جۇمىس ىستەدى.
2010 جىلدىڭ قىركۇيەگىنەن 2013 جىلدىڭ ماۋسىم ايىنا دەيىن قازاقستان رەسپۋبليكاسى پرەزيدەنتى ءىس باسقارماسىندا ۋچاسكە باسشىسى لاۋازىمىن اتقاردى. 2013 جىلدىڭ ماۋسىمىنان 2014 جىلدىڭ جەلتوقسان ايىنا دەيىن «CTKLF» جشس ديرەكتورى بولسا, 2014 جىلدىڭ جەلتوقسانىنان 2015 جىلدىڭ جەلتوقسانىنا دەيىن اۋىل شارۋاشىلىعى مينيسترلىگىنىڭ ۆەتەرينارلىق باقىلاۋ جانە قاداعالاۋ كوميتەتى باسشىسىنىڭ ورىنباسارى رەتىندە ەڭبەك ەتتى.