ۇلىبريتانيانىڭ پوليتسيا كوللەدجى (College of Policing) انگليا مەن ۋەلستىڭ بارلىق پوليتسەيلەرىندە ماماندىعى بويىنشا جوعارى ءبىلىم تۋرالى ديپلوم بولۋى كەرەكتىگىن ايتتى, دەپ حابارلايدى ۆۆس.
باسىلىمنىڭ حابارلاۋىنشا, جاڭا ەرەجە كەلەسى جىلدان باستاپ كۇشىنە ەنەدى. ال كوللەدج بۇل شەشىم پوليتسيا قىزمەتكەرلەرىنىڭ كاسىبي بىلىكتىلىكتەرىن ارتتىراتىنىنا سەنىمدى. ەندى قازىرگى جانە بولاشاق قۇقىق قورعاۋ ورگاندارىنىڭ قىزمەتكەرلەرى 3 جىلدىق وقۋ باعدارلاماسىنان ءوتىپ, عىلىمي دارەجە الۋى كەرەك.
پوليتسيا كوللەدجىنىڭ مالىمەتتەرىنە سەنسەك, قازىر پوليتسەيلەردىڭ تەك 38%-ى قايتا دايىندىقتان ءوتىپ, قولدارىنا ديپلوم العان. كوللەدج باسشىسى كونستەل الەكس بۇل پوليتسيا قىزمەتكەرلەرى دايىندىعىنىڭ تومەن دەڭگەيىن كورسەتەدى دەپ وتىر. ء"بىزدىڭ سالادا كاسىبي دامۋدىڭ تومەن دەڭگەيى وتە الاڭداتارلىق جاعداي", دەدى مارشالل. بۇل باعدارلاما سالىق تولەۋشىلەر ەسەبىنەن جۇزەگە اسىرىلماق.