اعىمداعى جىلدىڭ 11 ايىندا مەملەكەتتىك بيۋدجەت شىعىستارى 9 ترلن. تەڭگەگە جەتتى. بۇل تۋرالى بۇگىن ۇكىمەت وتىرىسىندا قر قارجى ءمينيسترى باقىت سۇلتانوۆ مالىمدەدى.
«مەملەكەتتىك بيۋدجەت شىعىستارى شامامەن 9 ترلن. تەڭگەگە جەتىپ, 20 پايىزعا ءوستى. وتكەن جىلدىڭ كورسەتكىشتەرىنە قاراعاندا يگەرۋ قارقىنى اناعۇرلىم جاقسى. مەملەكەتتىك بيۋدجەت بويىنشا يگەرۋ وتكەن جىلمەن سالىستىرعاندا 0,5, رەسپۋبليكالىق دەڭگەيدە 1,5 پايىزعا جاقسى اتقارىلدى», - دەدى سۇلتانوۆ.
ءمينيستردىڭ ايتۋىنشا, جەرگىلىكتى بيۋدجەتتەر بويىنشا يگەرۋ وتكەن جىلدىڭ ءدال وسى كەزەڭىنە قاراعاندا 0,5 پايىزعا كەم بولدى. «تۇتاستاي العاندا مەملەكەتتىك بيۋدجەتتىڭ شىعىستارى 97, رەسپۋبليكالىق بيۋدجەتتىكى 98,2 جانە جەرگىلىكتى بيۋدجەتتەردىكى 96,6 پايىزعا اتقارىلدى. جىلدىڭ قورىتىندىلارى بويىنشا رەسپۋبليكالىق بيۋدجەتتىڭ شىعىستارىن اتقارۋ دەڭگەيى 98,6 پايىز شەگىندە كۇتىلۋدە», - دەدى ول.