قازاقستاندا بيىل اۋىل شارۋاشىلىعىنا ينۆەستيتسيا ارتتى. بۇل تۋرالى بۇگىن ۇكىمەت وتىرىسىندا اۋىل شارۋاشىلىعى ءبىرىنشى ۆيتسە-ءمينيسترى قايرات ايتۋعانوۆ اوك-ءتىڭ الەۋمەتتىك-ەكونوميكالىق دامۋ قورىتىندىلارىن بايانداۋ بارىسىندا مالىمدەدى.
«اۋىل شارۋاشىلىعى ۇستىمىزدەگى جىلدىڭ 11 ايىنىڭ قورىتىندىسى بويىنشا ءوسۋ كورسەتكىشتەرىمەن سيپاتتالىپ وتىر. اۋىل شارۋاشىلىعىنىڭ جالپى ءونىم كولەمى وتكەن جىلدىڭ وسى كەزەڭىمەن سالىستىرعاندا 3,4 ترلن. تەڭگەنى قۇراپ, ناقتى يندەكس كولەمى بويىنشا 4,5% ءوسىپ وتىر», دەدى ق.ايتۋعانوۆ.
ءبىرىنشى ۆيتسە-ءمينيستردىڭ ايتۋىنشا, اۋىل شارۋاشىلىعىنىڭ ينۆەستيتسيا كولەمى 48%-عا ارتىپ, 11 ايدىڭ قورىتىندىسى بويىنشا 228 ملرد. تەڭگەنى قۇرادى. بىلتىر بۇل كورسەتكىش 148 ملرد. تەڭگە بولعان.
استىقتىڭ جالپى جيىنى 23,7 ملن. توننانى قۇرادى, بۇل بىلتىرعى جىلعى كورسەتكىشپەن سالىستىرعاندا 3 ملن. 900 مىڭ تونناعا ارتىق. ورتاشا تۇسىمدىلىك گەكتارىنا 15,4 تسەنتنەرگە جەتىپ وتىر.
سونداي-اق, بيىل 3,6 ملن. توننا كوكونىس پەن 2,2 ملن. توننا باقشا داقىلدارى جينالدى. بۇل بىلتىرعى جىلدان 511 مىڭ تونناعا ارتىق.
دينارا بىتىكوۆا, "ەگەمەن قازاقستان".