قازاقستاندا ەكونوميكا ءوسىمىنىڭ جىلدامداۋى بايقالادى. بۇل تۋرادى قر پرەمەر-ءمينيسترى باقىتجان ساعىنتاەۆتىڭ توراعالىعىمەن وتكەن ۇكىمەت وتىرىسى بارىسىندا بەلگىلى بولدى. ۇكىمەت وتىرىسى بارىسىندا قازاقستاننىڭ 2016 جىلعى 11 اي ىشىندەگى الەۋمەتتىك-ەكونوميكالىق دامۋىنىڭ قورىتىندىلارى تالقىلاندى.
بيىل بارلىق دامۋشى ەلدەر, ونىڭ ىشىندە قازاقستان دا الەمدىك ەكونوميكاداعى بىرقاتار ەلەۋلى قاتەرلەرمەن جانە كوپتەگەن سىرتقى قاتەرلەرمەن بەتپە-بەت كەلدى. بۇعان قاراماستان, ەكونوميكادا ءارتاراپتاندىرۋ, ينفراقۇرىلىمدى, كاسىپكەرلىك پەن اوك دامىتۋ بويىنشا باعدارلامالار مەن جوسپارلاردى, سونىمەن قاتار جۇمىسپەن قامتۋ شارالارىن جۇزەگە اسىرۋ ەسەبىنەن وڭ بەتالىس قامتاماسىز ەتىلدى.
ەلدە ىسكەرلىك جانە ينۆەستيتسيالىق بەلسەندىلىك ساقتالدى, قارجىلىق نارىقتاعى جاعداي تۇراقتى. قر ۇلتتىق ەكونوميكا ءمينيسترى قۋاندىق بيشىمباەۆ بيىل قاڭتار-قاراشا ايلارىندا ەكونوميكا ءوسىمىنىڭ 0,8% دەيىن جىلدامداۋى بايقالعانىن اتاپ ءوتتى, بۇل قاڭتار-قازان ايلارىنداعىمەن سالىستىرعاندا 0,2 پايىزدىق پۋنكتكە جوعارى. تاۋارلار ءوندىرىسىنىڭ ءوسىمى - 0,9%, قىزمەتتەر ءوسىمى – 0,6%, ونىمدەرگە سالىق – 2,4% قۇرادى. ەكونوميكا ءوسىمىنىڭ باستى قوزعاۋشى كۇشىنە قۇرىلىس, اۋىل شارۋاشىلىعى, كولىك جانە وڭدەۋ ونەركاسىبى اينالدى. ونەركاسىپتە وڭ بەتالىستار بايقالادى, ونىڭ ءوسىمىنىڭ نەگىزگى كوزدەرى وڭدەۋشى ونەركاسىپتەگى ءوسىمنىڭ وزىق قارقىنى بولدى, ولار تاۋ-كەن ونەركاسىبىندەگىمەن سالىستىرعاندا جوعارى.
ارنۇر اسقار, "ەگەمەن قازاقستان".