بيىل قازاقستان ەكونوميكاسىنا تىكەلەي شەتەلدىك ينۆەستيتسيالار اعىمىنىڭ ارتۋى بايقالدى. بۇل تۋرالى قر پرەمەر-ءمينيسترى باقىتجان ساعىنتاەۆتىڭ توراعالىعىمەن وتكەن ۇكىمەت وتىرىسىندا ۇلتتىق ەكونوميكا ءمينيسترى قۋاندىق بيشىمباەۆ ايتتى.
بۇگىنگى ۇكىمەت وتىرىسىندا 2016 جىلدىڭ 11 ايىنىڭ قورىتىندىسى بويىنشا قازاقستان ەكونوميكاسىنداعى ينۆەستيتسيالىق بەلسەندىلىكتىڭ جاي-كۇيى تالقىلاندى. ۇلتتىق ەكونوميكا ءمينيسترى قۋاندىق بيشىمباەۆ ەكونوميكالىق ءوسىمنىڭ وڭ قارقىنىن ۇستاپ تۇرۋدىڭ باستى شارتتارىنىڭ ءبىرى ينۆەستيتسيالىق بەلسەندىلىكتى ارتتىرۋ بولىپ تابىلاتىنىن اتاپ ءوتتى. ءمينيستردىڭ ايتۋىنشا, بيىلعى 11 اي ىشىندە ينۆەستيتسيالار كولەمى 4,7%, 6,0 ترلن. تەڭگەگە دەيىن ءوستى. وسىمگە «نۇرلى جول» مەملەكەتتىك باعدارلاماسىنىڭ اياسىندا يندۋستريالدىق-يننوۆاتسيالىق جوبالاردى جانە يد مب, داعدارىسقا قارسى باعدارلامالاردى جۇزەگە اسىرۋ ىقپالىن تيگىزدى. سونىمەن قاتار, جىل باسىنان بەرى تىكەلەي شەتەلدىك ينۆەستيتسيالاردىڭ وڭ ديناميكاسىن اتاپ وتكەن ءجون. ماسەلەن, قاڭتار-قىركۇيەك ايلارىندا تىكەلەي شەتەلدىك ينۆەستيتسيالاردىڭ تازا اعىمى 12,1 ملرد. اقش دوللارىن قۇرادى, بۇل وتكەن جىلعى دەڭگەيمەن سالىستىرعاندا 4,4 ەسەگە جوعارى.
ارنۇر اسقاروۆ, "ەگەمەن قازاقستان".