بيىل قازاقستاندا دايىن ءونىم ەكسپورتى ارتتى. بۇل تۋرالى بۇگىن قر پرەمەر-ءمينيسترى باقىتجان ساعىنتاەۆتىڭ توراعالىعىمەن وتكەن ۇكىمەت وتىرىسىندا قر ۇلتتىق ەكونوميكا ءمينيسترى قۋاندىق بيشىمباەۆ ايتتى. سونىمەن قاتار مينيستر سىرتقى ساۋدا ديناميكاسىندا جاقسارۋ بايقالعانىن باياندادى. قۋاندىق بيشىمباەۆتىڭ ايتۋىنشا, بيىلعى جىلدىڭ ون ايى ىشىندەگى سىرتىق ساۋدا اينالىمى 49,3 ملرد. اقش دوللارىنا جەتتى, تومەندەۋ قارقىنى 2016 جىلعى ءبىرىنشى جارتىجىلدىقتاعى 30,4% سالىستىرعاندا 24,4% باياۋلادى. ەكسپورت 29,1 ملرد. اقش دوللارىن, يمپورت – 20,2 ملرد. اقش دولل. قۇرادى.
سىرتقى ساۋدا تەڭگەرىمىنىڭ وڭ كورسەتكىشى 8,9 ملرد. دوللاردى قۇرادى. دايىن ءونىم ەكسپورتىنىڭ ءوسىمى جاعىمدى فاكتى بولدى. ماسەلەن, قاڭتار-قاراشا ايلارىندا 2015 جىلدىڭ 11 ايىمەن سالىستىرعاندا دايىن ءونىم ەكسپورتى 6,9% , 509,8 ملن. اقش دوللارىنان 544,9 اقش دوللارىنا دەيىن ءوستى. ال قورىتىندى ەكسپورتتاعى دايىن ءونىم ۇلەسى 1,3%-دان 1,6%-عا دەيىن ارتتى.
ەستەرىڭىزگە سالا كەتسەك, بۇگىن ۇكىمەت وتىرىسىندا 2016 جىلدىڭ 11 ايىنىڭ قورىتىندىسى بويىنشا قازاقستانداعى سىرتقى ساۋدانىڭ نەگىزگى پارامەترلەرى تالقىلاندى. بيىل بارلىق دامۋشى ەلدەر, ونىڭ ىشىندە قازاقستان دا الەمدىك ەكونوميكاداعى بىرقاتار ەلەۋلى قاتەرلەرمەن جانە كوپتەگەن سىرتقى قاتەرلەرمەن بەتپە-بەت كەلدى. بۇعان قاراماستان, داعدارىسقا قارسى جانە مەملەكەتتىك باعدارلامالاردى جۇزەگە اسىرۋ ەسەبىنەن قازاقستان ەكونوميكاسىندا ءوسىمنىڭ وڭ بەتالىسى قامتاماسىز ەتىلدى.
ارنۇر اسقار, "ەگەمەن قازاقستان".