رەسەي پرەزيدەنتى ۆلاديمير پۋتين مەن تۇركيا پرەزيدەنتى رەجەپ تايىپ ەردوعان تەلەفون ارقىلى رەسەيدىڭ تۇركياداعى ەلشىسىنە جاسالعان قاستاندىق جايلى اڭگىمەلەستى, - دەپ حابارلايدى ريا نوۆوستي رەسەي پرەزيدەنتىنىڭ ءباسپاسوز حاتشىسى دميتري پەسكوۆقا سىلتەمە جاساپ.
دميتري پەسكوۆتىڭ ايتۋىنشا, رەسەي مەن تۇركيا ەلدەرىنىڭ كوشباسشىلارى تەلەفون ارقىلى اڭگىمەلەسۋ بارىسىندا ەكى ەل اراسىنداعى قاۋىپسىزدىكتى كۇشەيتۋ تۋرالى كەلىستى. "تۇركيا مەن رەسەيدەگى وكىلەتتىكتى كۇزەتۋ كۇشەيتىلەتىن بولادى... سونداي-اق, رەسەي پرەزيدەنتى تۇركيا تاراپىنان تۇركياداعى رەسەيلىك وكىلەتتىكتەردى قاۋىپسىزدىكپەن قامتاماسىز ەتۋگە قاتىستى كەپىلدىكتى الۋ تاپسىرىلدى", - دەدى دميتري پەسكوۆ.
وسىلايشا, ەكى ەلدىڭ باسشىلارى رەسەيلىك ەلشىنىڭ ولىمىنە قاتىستى ءىستى تەرگەۋ ءۇشىن تۇركياعا تەرگەۋ توبىن جىبەرۋ تۋرالى كەلىستى. رەسەي پرەزيدەنتى ۆلاديمير ءپۋتيننىڭ بۇل جاعدايدى "قاستاندىقپەن جاسالعان قىلمىس" پەن ارانداتۋشىلىق دەپ اتادى.
سونىمەن قاتار, رەسەي پرەزيدەنتى ەلشىنىڭ تۋىستارىنا كوڭىل ايتتى. ۆلاديمير پۋتين رف ءسىم وكىلدەرىنەن تۇركيادا قايتىس بولعان ەلشىنى ناگراداعا ۇسىنۋدى تاپسىردى. "سىرتقى ىستەر مينيسترلىگىندەگىلەردى قازا تاپقان ەلشىنى مەملەكەتتىك ناگراداعا ۇسىنۋدى سۇرايمىن", - دەدى ۆلاديمير پۋتين.
ءوز كەزەگىندە ەردوعان بۇل وقيعانى تۇرىك حالقىنا جاسالعان شابۋىل دەپ اتادى.
ەسكە سالايىق, رەسەيدىڭ تۇركياداعى ەلشىسىنە تىكەلەي ەفيردە زاماناۋي ونەر ورتالىعىنداعى كورمەنىڭ اشىلۋ سالتاناتىندا قاستاندىق جاسالعان بولاتىن.