قر يدم تۋريزم يندۋسترياسى دەپارتامەنتى تۇركيادا جۇرگەن قازاقستاندىق تۋريستەرگە ساق بولۋ, قوناق ۇيدەن ۇزاماۋ جانە ادام كوپ جينالعان ورىندارعا بارماۋ جونىندە كەڭەس بەردى.
«ينۆەستيتسيالار جانە دامۋ مينيسترلىگىنىڭ تۋريزم يندۋسترياسى دەپارتامەنتى تۇركيا اۋماعىنداعى قازاقستاندىق تۋريستەردى قوناق ۇيدەن ۇزاماۋعا جانە ادام كوپ جينالعان ورىندارعا بارماۋعا شاقىرادى», – دەپ جازدى قر يدم تۋريزم يندۋسترياسى دەپارتامەنتىنىڭ ديرەكتورى مارات يعالي ءوزىنىڭ Facebookتەگى پاراقشاسىنا.
ايتا كەتەيىك, 2016 جىلى 19 جەلتوقساندا انكارادا «رەسەي كالينينگرادتان كامچاتكاعا دەيىن» اتتى كورمەنىڭ اشىلۋىندا تۇركيا رەسپۋبليكاسىنداعى رف توتەنشە جانە وكىلەتتى ەلشىسى اندرەي كارلوۆقا قاستاندىق جاسالدى جانە ول الىنعان جاراقاتتان مەرت بولدى.