قر قازاق كۇرەسى فەدەراتسياسى سپورتتىق جەكپە-جەك جانە كۇش قولدانىلاتىن سپورت تۇرلەرى كونفەدەراتسياسى مەن جامبىل وبلىسى اكىمدىگىنىڭ قولداۋىمەن 21 جەلتوقسان كۇنى تاراز قالاسىنداعى «تاراز-ارەنا» سپورت سارايىندا ءاليحان بوكەيحانوۆتىڭ 150 جىلدىق مەرەيتويىنا ورايلاستىرىلعان كلۋبتىق كوماندالار اراسىنداعى قازاقستان رەسپۋبليكاسى قازاق كۇرەسى فەدەراتسياسىنىڭ كۋبوگى وتەدى.
فەدەراتسيا كۋبوگىنا ەلىمىز بويىنشا توعىز كلۋبتىق كوماندا قاتىسادى. ولاردىڭ قاتارىندا قازاق كۇرەسىنەن مامانداندىرىلعان مەملەكەتتىك جانە جەكە سپورت كلۋبتارى بار. بەكىتىلگەن رەگلامەنت بويىنشا جارىسقا 18 جاسقا تولعان بالۋاندار 55, 60, 66, 74, 82, 90, 100 كەلىگە دەيىنگى جانە 100 كەلىدەن جوعارى سالماق دارەجەلەرى بويىنشا كلۋب ساپىندا قاتىسا الادى.
تۋرنير «بەتپە-بەت» وليمپيادالىق سحەماسى بويىنشا وتەدى. كۋبوكتىڭ جالپى جۇلدە قورى 20 ميلليون تەڭگەنى قۇرايدى. ءبىرىنشى ورىن العان كوماندا 10 000 000 (ون ميلليون), ەكىنشى ورىن 6 000 000 (التى ميلليون), ءۇشىنشى ورىن 4 000 000 ء(تورت ميلليون) تەڭگەگە يە بولادى. بۇل ەلىمىز بويىنشا جۇلدە قورىنىڭ قوماقتىلىعى جاعىنان العاشقى ۇشتىككە كىرەتىن جوبا بولىپ ەسەپتەلەدى.
كلۋبتىق كوماندالار اراسىندا وتەتىن تۋرنيردە «قازاقستان بارىسى» مەن «ەۋرازيا بارىسى» ءتۋرنيرى ارقىلى كوپشىلىككە كەڭىنەن تانىمال بالۋاندار ءوز ايماعىنىڭ نامىسىن قورعايدى.