بولاشاقتا استانا ەۋرازيانىڭ جۇلدىزى بولادى. بۇل تۋرالى بۇگىن ەلوردادا قازاقستان تاۋەلسىزدىگىنىڭ 25 جىلدىعىنا ارنالعان 25 قىرلى مونۋمەنتتىڭ اشىلۋ سالتاناتىندا نۇرسۇلتان نازارباەۆ ايتتى.
ء"بىزدىڭ استانامىز دامىپ جاتىر. وزدەرىڭىز كورىپ وتىرعانداي, ونىڭ دامۋىن تەجەۋ مۇمكىن ەمەس. بۇرىن كوبى بار قاراجات استاناعا جۇمسالىپ جاتىر دەپ ايتۋشى ەدى. ال قازىر استانا مەملەكەتتىڭ بيۋدجەتىنە قىرۋار قارجى تۇسىرۋدە. تريلليونداعان پايدا تاۋىپ, ءوزى دامىپ, مەملەكەتكە دە, مەملەكەتتىك بيۋدجەتكە دە سەپتىگىن تيگىزىپ جاتىر. بولاشاقتا استانا تەك ءبىزدى عانا تاڭداندىرماي, ەۋرازيانىڭ جۇلدىزى اتانىپ, عىلىم مەن مادەنيەتتىڭ ورتالىعىنا اينالادى", دەدى نۇرسۇلتان نازارباەۆ.
سۋرەتتى تۇسىرگەن ەرلان وماروۆ, "ەگەمەن قازاقستان".