قازاقستان رەسپۋبليكاسىنىڭ تۇڭعىش پرەزيدەنتى - ەلباسىنىڭ قورىندا قازاقستان رەسپۋبليكاسى تاۋەلسىزدىگىنىڭ 25 جىلدىعىنا ارنالعان فوتوكورمە ءوتتى.
فوتوكورمە قازاقستاننىڭ 1991 جىلدان باستاپ 2016 جىلعا دەيىنگى جاڭاشا تاريحىنىڭ ءتۇرلى كەزەڭىنە ارنالعان 25 ءبولىمدى قامتيتىن بەس تاقىرىپتىق ستەندتەن تۇرادى.
استانا تۇرعىندارى مەن قوناقتارى مەملەكەتتىڭ قالىپتاسۋىن كورسەتەتىن بىرەگەي تاريحي كادرلاردى تاماشالاي الدى. سەمەي پوليگونىنىڭ جابىلۋى, قازاقستاننىڭ ءبىرىنشى عارىشكەرىنىڭ كوسموسقا ۇشۋى, مەملەكەتتىك رامىزدەردىڭ قابىلدانۋى, بۇۇ-نا كىرۋى, ۇلتتىق ۆاليۋتانىڭ قولدانىسقا ەنگىزىلۋى, قازاقستان حالقى اسسامبلەياسىنىڭ قۇرىلۋى, ەلوردانى كوشىرۋ, الەمدىك جانە ءداستۇرلى دىندە كوشباسشىلارىنىڭ سەزىن وتكىزۋ, "بولاشاق" باعدارلاماسىن قۇرۋ جانە باسقا دا كوپتەگەن كادرلاردان تۇرادى.
"فوتوكورمە تايملاين رەجيمىندەگى ەرەكشە فورماتتا ۇسىنىلعان, وندا ەلىمىزدىڭ تاۋەلسىزدىگىنىڭ دامۋ حرونولوگياسىن كورۋگە بولادى. بىرەگەي فوتوسۋرەتتەردەن باسقا, وندا نەگىزگى داتالار, قىزىقتى فاكتىلەر كورسەتىلگەن", دەدى فوتوكورمەنى اشقان كەزدە قازاقستان رەسپۋبليكاسى تۇڭعىش پرەزيدەنتى - ەلباسى قورىنىڭ اتقارۋشى ديرەكتورى ساعىندىق نۇراحانوۆ.
ءىس-شارانىڭ ۇيىمداستىرۋشىلارى - قازاقستان رەسپۋبليكاسى تۇڭعىش پرەزيدەنتى - ەلباسى قورى جانە اقپارات جانە كوممۋنيكاتسيالار مينيسترلىگى.
كورمە جىلدىڭ اياعىنا دەيىن وتەدى. كورمەگە ەركىن كىرۋگە بولادى.
سۋرەتتەردى تۇسىرگەن ورىنباي بالمۇرات, "ەگەمەن قازاقستان".