اقپارات جانە كوممۋنيكاتسيالار ءمينيسترى داۋرەن اباەۆ فەيسبۋكتاعى پاراقشاسىندا قازاقستان حالقىن تاۋەلسىزدىكتىڭ 25 جىلدىق مەرەيتويىمەن قۇتتىقتادى.
«ارداقتى اعايىن! بارشاڭىزدى ۇلى مەرەكە – تاۋەلسىزدىكتىڭ 25 جىلدىق مەرەيتويىمەن شىن جۇرەكتەن قۇتتىقتايمىن! بۇل - شيرەك عاسىر ىشىندەگى ىرگەلى ىستەردى قورىتىندىلايتىن مەرەيلى ءسات. وسىناۋ جىلدار ىشىندە قازاق ەلى ەلباسىنىڭ باسقارۋىمەن تالاي بەلدەن, تالاي اسۋدان استى. جوعىمىزدى تۇگەندەپ, ۇلتتىق قۇندىلىقتارىمىزدى جاڭعىرتتىق. مەملەكەتتىك ءتىلىمىز تورگە وزدى. الەم تانىعان بەرەكەلى دە مەرەكەلى ەل بولدىق. وسىنىڭ ءبارى – ەڭ الدىمەن قاستەرلى تاۋەلسىزدىكتىڭ ارقاسى» – دەدى ول.
ودان بولەك مينيستر: «بارشاڭىزدى ۇلى مەرەكەمەن قۇتتىقتاي وتىرىپ, وتباسىلارىڭىزعا اماندىق, شاڭىراقتارىڭىزعا شاتتىق, باق-بەرەكە تىلەيمىن! XXI عاسىر قازاقتىڭ التىن عاسىرى بولعاي!» دەگەن ىزگى تىلەگىن ءبىلدىردى.