بۇگىن مەملەكەت باسشىسى نۇرسۇلتان نازارباەۆ تəۋەلسىزدىكتىڭ 25 جىلدىعىنا وراي استانادا جاڭا 25 قىرلى مونۋمەنتتى اشتى.
جاڭا مونۋمەنت 2017 جىلى استانادا وتەتىن ەكسپو كورمەسىنىڭ اۋماعىندا ورنالاسقان. «بۇگىن – 16 جەلتوقسان, دəل تəۋەلسىزدىك كۇنى. وسىدان 25 جىل بۇرىن, 16 جەلتوقسان كۇنى الماتىدا تۇڭعىش رەت تəۋەلسىزدىگىمىزدى جاريالاعان ەدىك. سودان بەرى 25 جىل ءوتتى. كەشەدەن بەرى ەستىدىڭىزدەر, كوردىڭىزدەر, بولعان شارالاردىڭ بارلىعىن ەلىمىزگە جاريا ەتتىك. ال ەندى بۇگىن سۋىققا قاراماي, استانامىزدا تاعى ءبىر مونۋمەنت اشايىق دەپ وتىرمىز», – دەگەن پرەزيدەنت قازاقستان مەن استاناداعى مونۋمەنتتەر جىلناماسىنا توقتالدى.
«استانانى اقمولاعا كوشىرگەن كەزدە ەڭ الدىمەن ەسكى قالاداعى الاڭدى يگەردىك. ودان كەيىن سول جاعالاۋعا قالا سالىپ, ءəلى كۇنگە دەيىن قالانىڭ سيمۆولى بولىپ كەلە جاتقان "بəيتەرەك" مونۋمەنتىن سالدىق. "بəيتەرەكتەن" كەيىن, "قازاق ەلى" دەگەن مونۋمەنت اشتىق. تəۋەلسىزدىكتىڭ 20 جىلدىعىندا "مəڭگىلىك ەل" دەگەن تريمفۋالدى ارقانى اشتىق. تəۋەلسىزدىككە بەس جىل تولعاندا الماتىداعى الاڭدا تəۋەلسىزدىك مونۋمەنتىن اشقان ەدىك. ال مىنە, 25 جىلدىقتا حالىقتىڭ ەسىندە قالسىن دەپ, وسى مونۋمەنتتى ورناتتىق. بۇل مونۋمەنتتىڭ 25 قىرى بار. Əر قىرىندا əر جىلداعى ىستەلگەن شارۋا جاسالعان", – دەدى سالتاناتتى شارادا قازاقستان پرەزيدەنتى.