قازاقستاننىڭ باسىم بولىگىندە استموسفەرالىق اعىمداردىڭ وتۋىنە بايلانىستى اۋا رايى تۇراقسىز بولادى. كەي جەرلەرگە قار جاۋىپ, وڭتۇستىك وڭىرلەرگە قار قالىڭ ءتۇسۋى ىقتيمال. تەك باتىس پەن سولتۇستىك-باتىستا عانا قار جاۋمايدى. بۇل تۋرالى قر ءىىم توتەنشە جاعدايلار قىزمەتى حابارلادى.
ەلىمىزدىڭ بىرقاتار ايماقتارىندا تۇمان ءتۇسىپ, كوكتايعاق بولىپ, جەل كۇشەيەدى.
الماتى وبلىسىندا جەلدىڭ كۇشى كۇندىز سەكۋندىنا 17-22, جالاڭاشكول ايماعىندا 20-25 مەترگە دەيىن جەتەدى.
جامبىل وبلىسىندا كەي جەرلەردە تۇمان تۇسەدى, جەلدىڭ كۇشى 15-20 مەتر/سەكۋندتى قۇرايدى.
باتىستا 30 مەتر/سەكۋندقا دەيىن جەتەدى.
وڭتۇستىك قازاقستان وبلىسىندا جەلدىڭ كۇشى سەكۋندىنا كەي جەرلەردە 15-20 مەترگە دەيىن بارادى.
شىعىس قازاقستان وبلىسىندا بۇرقاسىن, كوكتايعاق, بولادى. جەلدىڭ كۇشى سەكۋندىنا 23-28 مەتر.
پاۆلودار وبلىسىندا جەلدىڭ جىلدامدىعى سەكۋندىنا 15-20 مەتر بولادى.
قاراعاندى وبلىسىندا تومەننەن بۇرقاسىنداتىپ, تۇمان, كوكتايعاق بولادى. جەلدىڭ ۇيىتقۋى سەكۋندىنا 15-20 مەتر.
قىزىلوردا وبلىسىندا دا تۇمان ءتۇسىپ, كوكتايعاق بولادى.
اقمولا وبلىسىندا بۇرقاسىنداتىپ, جەل 15-20 مەتر/سەكۋندقا دەيىن كۇشەيەدى.
اتىراۋ, باتىس قازاقستان, قوستاناي, سولتۇستىك قازاقستان, تۇندە ماڭعىستاۋ وبلىستارىنىڭ كەي جەرلەرىندە تۇمان تۇسەدى.