قۋاتتى قازاقستان – باياندى بولاشاق

وركەندى ورلەۋ كەزەڭى

بيىلعى جىل ايرىقشا تاريحي ماڭىزدى وقيعالارعا تولى بولىپ وتىر. ەل ءتاۋ­ەل­سىزدىگىنىڭ 25 جىلدىعى اتالىپ وتۋدە. بۇل ءار قازاق­ستان­دىقتىڭ بويىندا پات­ريوت­تىق نامىستى وياتىپ, ماق­تانىش سەزىمىنە بولەيدى. شيرەك عاسىردى ارتقا تاستاعان ەگەمەن ەلىمىزدىڭ ەرتەڭى جار­قىن بولاتىنداي اۋقىمدى جۇمىستار اتقارىلدى. مەم­لەكەت باسشىسىنىڭ تاۋەل­­­سىزدىكتىڭ 25 جىلدىعىنا ار­نال­­­عان سالتاناتتى جيىندا ءسوي­لە­گەن ءسوزىن مۇقيات تىڭ­دادىم. ەل­باسى نۇرسۇلتان نازارباەۆ وسى كەزەڭ­دە قول جەتكەن جەتىستىكتەرىمىزدى دايەكتى دەرەك­تەرمەن تاراتا باياندادى. قىران قاناتى تالاتىن دارحان دالامىز­دا قانشاما جاڭا كاسىپورىندار بوي كوتەر­گە­نىنە, قانشاما الەۋمەتتىك نىساندار سا­لىن­عانىنا تاعى ءبىر كوزىمىز جەتتى. وسى شيرەك عاسىردا قازاقستان الەمنىڭ وزىق ەلدەرىمەن يىق تۇيىستىرە الا­تىنداي قۋاتتى ەلگە اينالدى. ىشكى جانە سىرتقى ساياساتتاعى ءسات­تى قادامدارىمىز دا ايتۋعا تۇ­رار­­­­لىق. شەكارامىزدى شەگەندەپ ال­دىق, شە­تەلدەرمەن تەرەزەسى تەڭ ءدا­رە­جە­دە سويلەسەتىندەي قارىم-قا­تى­ناس ور­نات­تىق. الەمدە يادرولىق قارۋسىز بەي­بىت ءومىر سۇرۋگە باستاما جاساۋ ار­قىلى اۋزىن ايعا بىلەگەن مەم­لە­كەت­تەر­دىڭ وزدەرىن مويىنداتتىق. ءدىن جانە كون­فەسسياارالىق تاتۋلىقتى, ەلى­مىزدى مەكەن­­دەگەن ۇلتتار مەن ۇلىستار ارا­سىنداعى بىرلىك پەن ىنتىماقتاستىق تۋىن جوعارى كوتەرگەن قازاقستاندىق دامۋ جولىنىڭ باستاۋىندا دا ەلباسى تۇرعانى اتار تاڭداي اقيقات. ەگەمەندىكتىڭ وتپەلى كەزەڭىندەگى قيىندىقتارعا قاراماستان العا باسۋشىلىقتىڭ وسىن­شالىق سەرپىندىلىگىن قامتاماسىز ەتكەن قازاقستان 25 جىلدا ەكونوميكالىق دا­مۋ­دىڭ سارا جولىنا ءتۇستى. سالتاناتتى جيىن­دا سويلەگەن سوزىندە نۇرسۇلتان ءابىش ۇلى: «1991-2016 جىلدار ارالىعىندا قازاق­ستان­دىقتاردىڭ تابىسى 40 ەسە, ال ەلدىڭ ىشكى جال­پى ءونىمى 20 ەسە ارتتى. شامامەن 2 ميلليون جۇمىس ورنى اشىلدى», دەپ اتاپ ءوتتى. ەلباسى ەندى اۋىلدى تۇلەتۋدىڭ قولعا الىنعانىنا توق­تال­دى. قازىردىڭ وزىندە اۋىل شارۋا­شىلىعىن دامىتۋعا باعىتتالعان, «جۇمىسپەن قامتۋدىڭ جول كارتاسى-2020», «سىباعا», «قۇلان», «التىن اسىق» جانە باسقا باعدارلامالار قازىردىڭ ءوزىن­­دە سالانى دامىتۋعا سەرپىن بەرۋدە. بيىل ءبىزدىڭ سەرىكتەستىك تە تاۋەل­سىز­د­ىك­­تىڭ 25 جىلدىعىنا تولاعاي تارتۋمەن كە­لدى. شارۋاشىلىقتاعى 30 مىڭ گەكتار ەگىن القابىنىڭ ءار گەكتارىنان 13 تسەنتنەردەن ءونىم جينادىق. مال سانى دا ءوستى. حالىقتىڭ تۇرمىسى تۇزەلىپ, ءومىر ساپاسى جاقساردى. وسىنىڭ بارلىعى تاۋەلسىزدىكتىڭ ناتيجەسى, ەلباسىنىڭ سارابدال ساياساتىنىڭ ارقاسى دەۋ ورىندى. ال, ەلىمىزدەگى بولاشاققا باعىتتالعان باعدارلامالاردىڭ بەرەرى مول ەكەنىنە سەنىم مول. پرەزيدەنت العا قويعان دا­مى­عان وتىز ەلدىڭ قاتارىنا ەنۋگە دەگەن العىشارت قازىردىڭ وزىندە جاسالۋدا. ەلۋ ەلدىڭ قاتارىنا بەلگىلەنگەن مەر­زىمنەن اناعۇرلىم ەرتە قادام باسقان قازاقستاننىڭ بۇل باعىتتاعى جوسپارلارى دايەكتىلىگىمەن كوڭىلگە قونادى. امانعوس تولەۋوۆ, «ستەپنوە» جشس ديرەكتورى اقتوبە وبلىسى, قارعالى اۋدانى

دامۋدىڭ داڭعىل جولى

مەملەكەت باسشىسى ن.نازارباەۆ­تىڭ ەل تاۋەلسىزدىگىنىڭ 25 جىلدىعىنا ارنالعان سالتاناتتى جيىندا ءسوي­لەگەن ءسوزىن تەلەديداردان ۇيىم­داسا تىڭدادىق. ەلباسى ءوز سوزىندە بۇدان شيرەك عاسىر بۇرىنعى اۋىر جاعدايدى ەسكە الىپ, «قازىرگى جاس ۇرپاق ءۇشىن بۇل الىستاعى تاريح سياقتى, ولار­عا ءبىز ۇنەمى وسىلاي ءومىر سۇرگەن سياقتىمىز», دەگەندى ايتتى. بۇدان 25 جىل بۇرىنعى كەزەڭ كوز الدىمىزدا – توقىراعان ەكونوميكا, قىسقارتۋلار مەن جۇمىسسىزدىق,  جايلى جەر ىزدەپ كوشكەن جەرلەستەر, سومكە ارقالاپ بازار جاعالاعان انالار... مۇنىڭ ءبارى بۇگىندە ەسكىنىڭ ەرتەگىسىندەي ەستىلگەنىمەن, بۇگىنگى اعا بۋىن بەتپە-بەت كەلگەن سول ۋاقىتتىڭ شىندىعى بولاتىن. بىراق, بۇل قيىندىق جانعا جۇمساق ءتيدى, بۇل اۋىرتپالىقتىڭ ءدامى اششى ەمەس بولاتىن. سەبەبى – سول كەزەڭ ءبىزدىڭ حالقىمىزدى عاسىرلار بويى اڭساعان ازاتتىققا جەتكىزدى, بۇل – ازاتتىقتىڭ العاشقى ءدامى بولاتىن. قيىندىقتى سەزبەۋىمىزدىڭ ءبىر سەبەبى وسى بولسا, ەكىنشى سەبەبى – تاعدىر بىزگە كەمەڭگەر ەلباسىن تارتۋ ەتتى, مەملەكەتىمىزدىڭ تىزگىنى سەنىمدى قولدا بولدى. حالىق جاقسى كۇنگە سەن­دى, جاقسىلىققا جۇمىلدى. اسقاق رۋح­تىڭ, جىگەر مەن سەنىمنىڭ ناتيجەسى, مىنە, 25 جىلدا مولىنان اڭعارىلدى. قازاقستان – الەم تانىعان, دامۋ جولىن تاڭداعان جانە سول جولدا ەركىن ادىمداعان مەملەكەتكە اينالدى. ەلباسى رەسپۋبليكا جۇرتشىلىعى الدىندا جاساعان باياندامادان مەم­لەكەتىمىزدىڭ 25 جىلدىق عۇمىرى – تاۋەلسىزدىكتىڭ ەلەڭ-الاڭ شاعى مەن ودان بەرگى ءجۇرىپ وتكەن جولدار, ءبۇ­گىنگى بيىكتىگىمىز, كەلەشەكتەگى كەل­بە­تىمىز كورىنىس بەردى. مەملەكەت باسشىسى ءوزىن ءاردا­ي­ىم قولداپ, تاپسىرمالارى مەن ءمىن­دەتتەرىن بۇلجىتپاي ورىنداپ, «ءبىر جەڭنەن قول, ءبىر جاعادان باس» شى­عارا بىلگەن وتانداستارىنا ريزا­شى­لىعىن ءبىلدىردى. قاي ەلدى بولماسىن تەك تاتۋلىق, اۋىزبىرلىك, ءوزارا  ىن­تىماق-ىمىرا عانا دامىتادى, سان ۇلت­تىڭ وكىلىنە ورتاق بەسىك بولعان ەلى­مىزدىڭ بىرلىگى بەكەم بولسىن دەپ تىلەيمىن. باياندامادان 2050 جىلعا قاراي قازاقستاننىڭ قانداي بولاتىندىعىن ءبىلىپ, مەرەيلەنە تۇستىك. قازاقستاننىڭ جولى – ەلباسى مەجەلەگەن بيىكتىك, ەلباسى نۇسقاعان جول. ەلىمىز دە, ەلباسىمىز دا امان بولىپ, دامۋ داڭعىلىمەن العا اسا بەرەيىك! ءپانيا سارمۋرزينا, ماڭعىستاۋ وبلىستىق مادەنيەت باسقارماسى باسشىسىنىڭ ورىنباسارى  

بۇگىنگى ەڭبەگىمىز – ەرتەڭگە ينۆەستيتسيا

ەلباسى نۇرسۇلتان نازارباەۆتىڭ قازاقستان حالقىن تاۋەلسىزدىگىمىزدىڭ 25 جىلدىق مەرەيتويىمەن قۇتتىقتاعان ءسوزى مەملەكەتىمىزدىڭ كەلەشەگى ءۇشىن الاڭدايتىن ءاربىر جاننىڭ جۇرەگىنە جەتتى دەپ ويلايمىن. – تاۋەلسىزدىكتىڭ 25 جىلى – ءبىزدىڭ بۋىننىڭ ۋاقىت ولشەمىنە سىيماي­تىن تەڭدەسسىز ەرلىك. وسى مەرەيتويلىق جىل­دا قازاقستاننىڭ بىرىككەن ۇلت­تار ۇيىمى قاۋىپسىزدىك كەڭەسى­نە ساي­لا­نۋ­ىنىڭ سيمۆولدىق ءمانى بار. پار­لامەنت قابىلداعان تاۋەلسىزدىك­تىڭ 25 جىلدىعى دەكلاراتسيا­سى ءبىزدىڭ ۇلى جەتىستىكتەرىمىز بەن جەڭىسىمىز­دى ايشىق­تاعان ماڭىزدى سايا­سي-قۇقىق­تىق قۇجا­ت­قا اينالدى, – دەدى پرە­زي­دەنت. شىنىندا دا, ەگەمەن ەلىمىز شيرەك عاسىردا قول جەتكىزگەن جەتىستىكتەر ۇشان-تەڭىز. ولاردىڭ ءبارىن ءتىزىپ جاتۋدى گازەت بەتى كوتەرمەس. ءبىزدىڭ بىلەتىنىمىز, الەمدىك ماڭدايالدى سا­راپ­­­شىلاردىڭ پىكىرىنشە, قازاقستان ءتورت­كۇل دۇنيە­گە «ەكونوميكالىق عا­جايىپتىڭ» كەرەمەت ۇلگىسىن كورسەتە ءبىلدى. ءجۇز وتىزدان ارتىق ۇلت پەن ۇلىستىڭ وكىل­دەرى تۇراتىن ەلىمىزدە بەيبىتشىلىك پەن كەلىسىم باستى قۇن­دىلىق سانالىپ كەلەدى. قازاقستان حالقى اسسامب­لەياسى بارشا وتانداس­تارىمىزدى ءبىر شاڭىراقتىڭ استىنا بىرىكتىرىپ وتىرعانى دۇنيە جۇزىنە ۇلگى بولاتىنداي مىسال. «ەڭ باستىسى, كەز كەلگەن ادام «مەن – قازاقستاندىقپىن, بۇل – مەنىڭ ەلىم, مەن مۇندا باقى­تىم­دى تاپتىم!» دەپ ايتا الاتىن ءادىل­ەتتى قوعامدى ورناتتىق», دەدى ءوزىنىڭ قۇتتىقتاۋ سوزىندە قازاقستان پرەزيدەنتى. نۇرسۇلتان ءابىش ۇلىنىڭ قارقىندى دامىپ كەلە جاتقان جاڭا ەلوردا – استانانىڭ قۇرىلۋىن باستى تابىس­تارىمىزدىڭ ءبىرى رەتىندە اتاپ وتكەنى دە ابدەن ورىندى. ەلوردامىز تاعى ءبىر شيرەك عاسىر مۇعدارىندا ەۋرازيا كەڭىستىگىنىڭ قاق ورتاسىنداعى 3 ميلليون شامالى حالقى بار مەگاپوليسكە اينا­ل­ۋى ءتيىس. باسقا قالالارىمىز دا سوعان قاراپ بوي تۇزەپ, عىلىم مەن تەحنولوگيا سالالارى دا قارىشتاي بەرەدى. الەمدىك تاجىريبە سولاي. اۆتوماتتاندىرىلاتىن مەملەكەتتىك قىزمەتتەردىڭ بارشاسى ەلەكتروندى فورماتقا كوشەتىن بولادى. بىزدەگى ينجەنەرلىك, تەحنيكالىق مامان­دىقتارعا وقىتاتىن جوعارى وقۋ ورىندارى دا وسى مىندەتتەردى العا قويا ءبىلۋى ءتيىس. ەلىمىز ەكونوميكالىق جەتىستىكتەر ارقاسىندا حالىقتىڭ ءال-اۋقاتىن ساتىلاي تۇراقتى ءوسىرىپ كەلەدى. مەملەكەت باس­شىسى وسى ءبىر سالتانات ۇستىندە دە ۇكىمەتكە 2017 جىلى زەينەتاقى ءمول­شەرىن بيىلعى دەڭگەيدەن 20 پايىزعا, سونداي-اق بالا تۋعا بايلانىستى ءبىر جولعى مەملەكەتتىك ءجار­دەماقى مولشەرىن دە 2017 جىلعى 1 ءشىل­دەدەن باس­تاپ 20 پايىزعا ۇلعايتۋدى تاپسىردى. قازاقستان پرەزيدەنتى ەلىمىزدىڭ حالىقارالىق ارەناداعى تابىستارىنا ەرەكشە نازار اۋداردى. – جاڭا ەلدىڭ ىرگەسىن قالاعان بۇگىنگى زامانداستاردىڭ ەرەن ەڭبەگى ۋاقىت وتە كەلە, ءتىپتى, مىڭ جىلدان كەيىن دە ۇرپاقتارىمىزعا وتانىمىزدى ودان ءارى ىلگەرىلەتۋ جولىندا دەمەۋ بولىپ, سەپتىگىن تيگىزە بەرەدى, – دەدى مەملەكەت باس­شىسى. بىزگە جىگەر بەرگەن, ەرتەڭىمىز ءۇشىن ەرەن ەڭبەكتەن ايانباۋعا ۇندەگەن وسى ءسوز. تاۋەلسىزدىگىمىز باياندى, حال­قىمىز باقۋاتتى بولسىن! ارستان عازاليەۆ, قاراعاندى مەملەكەتتىك تەحنيكالىق ۋنيۆەرسيتەتىنىڭ رەكتورى, قر ۇعا اكادەميگى قاراعاندى

بۇكىل حالىق شاتتاناتىن كۇن

ەلىمىزدىڭ تاۋەلسىزدىك مەرەكەسى بۇكىل حالىق شاتتاناتىن كۇن عوي.  استاناداعى ەلباسى  قاتىسقان  پاراساتتى جيىن دا وسىنداي ويدىڭ  ايعاعى. سالتاناتتى جيىندا ەلباسى ايتقان ءاربىر ءسوز وتانىم, ەلىم, جەرىم دەگەن ءاربىر قازاقستاندىقتىڭ  جۇرەگىنە جەتتى دەپ ويلايمىن. كاسىپكەرلەر ءۇشىن ارناپ ايتىلعان  قولداۋلارى ارقاشان  ءبىزدى جەتىستىكتەرگە جەتەلەيدى.  مىسالى, ءبىز بۇگىندە وزىق تەحنولوگيالاردى پايدالانۋ ارقىلى بيە سۇتىنەن قىمىز دايىنداۋ ءۇشىن, بارلىق جۇمىستى اۆتوماتتاندىرىلعان  جۇيەگە اۋىستىردىق. شەتەلدىك قوندىرعىلار تاۋلىگىنە 1 تونناعا دەيىن, ال اپتاسىنا 5 تونناعا دەيىن قىمىز وندىرۋگە مۇمكىندىك بەرەدى. ەلىمىزدەگى  «بيزنەستىڭ جول كارتاسى-2020» باعدارلاماسىنىڭ كومەگىمەن نەسيە الىپ, ءوندىرىستى دامىتا باستادىم. ارينە, مەملەكەتتىڭ كاسىپكەرلىكتى  قولداۋىنسىز  ەشبىر شارۋاشىلىق, كاسىپكەرلىك ءىسىنىڭ العا باسپاسى انىق. ءبىز وسى قولداۋدى,  دەمەۋدى  كورىپ كەلەمىز.  ەلباسى  كاسىپكەرلەرگە, وتاندىق تاۋار وندىرۋشىلەرگە ۇنەمى قولداۋ كورسەتەدى. ەلباسىنىڭ قازاقستانداعى بيزنەسمەندەردىڭ ميل­ليونەر اكەلەرى بولعان جوق, دەگەنى دە سول عوي, بىزدەر اركىم ءوزىمىز ءوز ەڭبەگىمىزبەن وسىنداي جارقىن تابىستارعا قول جەتكىزدىك. جوقتان بار جاساۋعا, ەلىمىزگە  قىزمەت جاساۋعا ۇمتىلدىق. قىمىز ءوندىرىسىن ىسكە قوسۋ جەكە كاسىپكەرلىكتەگى نەگىز­گى ستراتەگيالىق ماقساتىما اينالدى. كىم ءوز تاۋارىن ارزان, ساپالى ەتىپ وندىرە السا, حالىقارالىق ساۋدادا جولى بولادى. قازىر «ساعىپ» قوجالىعىندا  400 بيە بار, ولاردىڭ 180-ءى ساۋىلادى. ەڭبەكتىڭ زەينەتى بەينەتتى ەڭبەكپەن كەلەدى. ەت جەمەيتىن, قىمىز ىشپەيتىن قازاق جوق. قازىر قىمىز ءوندىرۋ تسەحتارىندا 30-عا جۋىق بىلىكتى مامان ەڭبەك ەتۋدە.  پوليەتيلەن قۇتىعا قاراعاندا, قىمىزدىڭ شىنى شولمەكتە جاقسى ساقتالاتىنىن ماماندار دا, تۇتىنۋشىلار دا جاقسى بىلەدى.  رەسپۋبليكالىق «التىن ساپا» بايقاۋىندا جۇلدەگەر اتاندىق. شارۋاشىلىق قۇرىلعان كۇننەن باستاپ-اق قىمىزدى تمد ەلدەرى مەن ەۋروپاعا ەكسپورتتاۋ ماقساتىندا جۇمىس باستالدى.  بەلوكۋريحاداعى ەمدەۋ-ساۋىقتىرۋ ورنىنان شيپالى سۋسىندى جەتكىزىپ تۇرۋ جونىندە ۇسىنىس ءتۇسىپتى. شارۋاشىلىقتا قازى-قارتا, شۇجىق, قۇرت, قوسپا, سۇزبە, قايماق جاسالدى. فەرما اۋماعىندا قاساپحاناسى دا بار. تسەح ماماندارى ەت پەن ءسۇت ونىمدەرىنەن قازاقتىڭ ۇلتتىق تاعامدارىن ازىرلەيدى. ۇلتتىق برەند رەتىندە  تمد جانە ەۋروپا ەلدەرى نارىعىنا شىعارۋدى جوسپارلاپ وتىرمىز.   ارينە, الەمدىك ساۋدانىڭ ەركىن نارىعىنا قوسىلۋ, وعان ىلەسىپ كەتۋ كاسىپكەرلەرگە ۇلكەن تالاپ, مىندەتتەر جۇكتەيدى. وسى ورايدا پرەزيدەنت قازىرگى كەزدە مۇنداي ادامدار ەلىمىزدە ءومىر ءسۇرىپ جاتقاندىقتان قازاقستان ءوزىنىڭ كۇش-قۋاتىنا سەنىمدى ەكەنىن اتاپ ءوتتى. «مەملەكەتتىڭ ساياساتىن پايدالانىپ, داۋلەتىن ارتتىرىپ, اۋقاتتى بولعانى وتە جاقسى. ال ەندى سول كەزدە حالىققا بەت بۇرىپ, ەلگە كومەكتەسكەنى ءۇشىن بارشا ءىس ادامدارىنا العىس بىلدىرەمىن», دەگەنى, ارينە, بىزدەرگە سەنىم بىلدىرگەنى. ول ءسوز  كاسىپكەرلەردى  شىڭداي تۇسەدى. تولەۋ قۇشمانوۆا, «ساعىپ» شارۋا قوجالىعىنىڭ باسشىسى  پاۆلودار وبلىسى

«بالداۋرەن» پاتريوتيزمگە باۋليدى

مەملەكەت باسشىسى ن.نازارباەۆ مەرە­كە­­لىك قۇتتىقتاۋىندا قوعامنىڭ تاريحي قىس­قا مەرزىمدە قارىشتاپ دامىعانىن, بەيبىتشىلىك پەن كەلىسىمنىڭ بىرەگەي مودەلىنىڭ قالىپتاسقانىن جۇيەلەپ كورسەتتى. «جالپى حالىقتىڭ قالاۋىمەن قۇرىلعان حالىق اسسامبلەياسى بارلىق ۇلتتى قاناتىنىڭ استىنا الىپ, باسىن بىرىكتىرە ءبىلدى. ەڭ باستىسى, كەز كەلگەن ادام «مەن – قازاقستان­دىقپىن, بۇل – مەنىڭ ەلىم, مەن مۇندا باقىتىمدى تاپتىم!» دەپ ايتا الاتىن ادىلەتتى قوعامدى ورناتتىق», – دەدى قازاقستان پرەزيدەنتى. بۇل «بالالار ارمانىنىڭ ارالى» اتانىپ كەتكەن قازاقستان ارتەگىنە دە قاتىستى ايتىلعان باعا دەپ سانايمىز. نۇرسۇلتان ءابىش ۇلىنىڭ تىكەلەي باس­تاماسىمەن بوي كوتەرگەن شاتتىق مەكەنى تاۋەلسىز مەملەكەتىمىزدىڭ بۇلدىرشىندەرگە جاساعان باعا جەتپەس بازارلىعى دەسەك جاراسادى. بۇگىنگى كۇنى «بالداۋرەن» تمد ەلدەرى مەن ورتالىق ازيا ايماعىنداعى بالالاردىڭ دەمالىسىن ۇيىمداستىرۋ, ساۋىقتىرۋ جانە جاسوسپىرىمدەردىڭ شى­­­­­­- عار­­ماشىلىق قا­بى­­­لە­تىن دامىتۋعا قا­­جەتتى بار­لىق جاع­دايدى جا­ساعان ءبىر­دەن-ءبىر مەكەمە سانا­لادى. جىل بويى ءۇز­دىك­سىز قىزمەت اتقا­را­تىن ورتالىق ءار اۋىسى­م­­- دا 300 بالانى قا­بىل­دايدى. جالپى, ون التى تاقىرىپتىق اۋىسىمدا ەلىمىزدىڭ 4608 ءجاسوسپىرىمى مەم­لەكەتتىك تاپسىرىس شەڭبەرىندەگى كلاس­تەرلىك تاربيە جۇيەسىنەن وتەدى. مۇندا با­لالاردىڭ تولىققاندى دەمالىسىن ۇيىم­­داستىرۋ, ولاردىڭ بويىندا ءبىلىم مەن كرەاتيۆتى ويلاۋ قابىلەتتەرىمەن قوسا, الەۋمەتتىك جاۋاپكەرشىلىك, پاتريوت­تىق سەزىم, ازاماتتىق جانە ادام­گەر­شى­لىك ۇس­تا­نىم­دارىن قالىپ­تاس­تىرۋ قاراس­تى­رىل­عان. پرەزيدەنتتىڭ بولاشاققا باعىتتالعان ءمىن­دەتتەرىندە جاستار تاربيەسىنە ۇلكەن ما­ڭىز ارتىلادى. ورتالىعىمىزدا جاۋاپتى ىسپەن 82 پەداگوگ اينالىسادى. سوڭ­عى جىلدارى بىزدە وتىزدان استام وقۋ-ادىستەمەلىك قۇرال دايىندالعانى مۇ­عالىمدەر بىلىكتىلىگىنىڭ جوعارى ەكەن­دىگىن ايعاقتايدى. «بالداۋرەن» مەك­تەبىندەگى مۇعالىم – اقپاراتتىق-كوم­مۋن­يكاتيۆتىك, پاندىك-مودۋلدىك وقىتۋ تەح­نولوگيالارىن جەتىك مەڭگەرگەن, ۋا­قىتپەن ساناسپايتىن تاربيەشى, امبەباپ ۇيىم­داستىرۋشى-ۇستاز. ال كىتاپحانانىڭ باي قورى ءبىلىم كوكجيەگىن كەڭىتە تۇسەتىنى بەل­گىلى. «بالداۋرەندى» زاماناۋي عىلىمي وردا قاتارىنا قوساتىن شارالار تىزبەگى دە سان الۋان. ەلباسى نۇرسۇلتان نازارباەۆتىڭ «بال­داۋ­رەنگە» ارنايى كەلىپ, «دوستىقتىڭ ال­­تىن كوپىرى» اتتى تاقىرىپتىق اشىق سا­باق­قا قاتىسۋى ەرتەڭگى بولاشاعىمىزعا, ورتا­لىقتىڭ قىزمەتىنە ەرەكشە كوڭىل بولەتىنىنىڭ ايعاعى. بولاشاققا قىزمەت ەتەتىن ورتالىقتىڭ ۇجىمى ەلباسىنىڭ: «ء…بىزدىڭ جاس مەم­لەكەتىمىز ءوسىپ-جەتىلىپ, كەمەلدەنەدى, ءبىز­دىڭ بالالارىمىز بەن نەمەرەلەرىمىز ونىمەن بىرگە ەرجەتەدى. ولار ءوز ۇرپاعىنىڭ جاۋ­اپتى دا جىگەرلى, ءبىلىم ورەسى بيىك, دەن­­ساۋلىعى مىقتى وكىلدەرى بولادى. ولار با­بالارىنىڭ يگى داستۇرلەرىن ساقتاي وتىرىپ, قازىرگى زامانعى نارىقتىق ەكونوميكا جاع­دايىندا جۇمىس ىستەۋگە دايار بولادى. ولار بەيبىت, گۇلدەنگەن, جىلدام وركەندەۋ ءۇس­تىندەگى, كۇللى الەمگە ايگىلى ءارى سىيلى ءوز ەلىنىڭ پاتريوتتارى بولادى», دەگەن سوزدەرىن تۋ ەتىپ, اسقاق ۇستايدى. مۇحيتدين تولەپباي, رەسپۋبليكالىق وقۋ-ساۋىقتىرۋ ورتالىعىنىڭ ديرەكتورى اقمولا وبلىسى, بۋراباي اۋدانى

سەنىم نىعايا ءتۇستى

ءىلياس جانسۇگىروۆ اتىن­داعى جەتىسۋ مەم­لەكەتتىك ۋنيۆەر­سي­تە­تى­نىڭ وقىتۋشى-پرو­فەسسورلىق قۇ­را­مى مەن ستۋدەنتتەرى مەم­لەكەت باس­شىسىنىڭ ەل تاۋەلسىزدىگىنىڭ 25 جىلدىعىنا وراي جاساعان بايان­داماسىن تىڭ­داپ, وندا ايتىلعان ءما­سەلەلەرگە قىزۋ قولداۋ ءبىلدىردى. ەلباسىنىڭ وسى كۇنگە دەيىن جەتكەن جەتىستىكتەرىمىزدىڭ بارىنە ۇلان-عايىر قازاق دالاسىنداعى ءاربىر ءوڭىردىڭ ايرىقشا ۇلەس قوسقانىن اتاپ وتكەنىن جەتىسۋلىقتار دا قۋانا قۇپتاپ, رازى بولدى. شەت ەل ساراپشىلارىنىڭ قازاقستان جايلى ايتقان پىكىرلەرىنەن ءۇزىندى كەلتىرە وتىرىپ, ەكونوميكامىزدىڭ قارقىندى دامىعانىن, سونىڭ ارقاسىندا بۇگىندە الەمنىڭ 119 ەلىنە 2000-نان استام ءونىم ءتۇرىن ەكسپورتتاپ وتىرعانىمىزدى باسا ايتتى. ارينە, بۇل ەلىمىز تاۋەلسىزدىك الىپ, ەگەمەن ەل بولعان جىلداردا جۇرگىزىلگەن جۇيەلى جۇمىستاردىڭ جەمىسى. اسىرەسە, زەينەتاقى مەن بالا تۋىلعاندا بەرىلەتىن ءبىر رەتتىك جاردەماقىنىڭ 20 پايىزعا وسەتىنى حالىقتىڭ قۇلاعىنا جىلى ءتيدى. مەملەكەت باسشىسى ءبىزدىڭ ەلىمىزدەگى, جالپى الەمدىك ەكونوميكاداعى ەڭ ۇلكەن جاڭالىق – وسى 50 جىلدىڭ ىشىندە «قاشاعان» كەن ورنىنىڭ تابىلۋىن اتاپ وتكەنىن الەم ەكونوميستەرى دە قۇپتاپ وتىرعانى انىق. بۇل كەن ورنى قازىرگى تاڭدا الەمدىك ەكونوميكادا ءوز ورنىن الىپ ءارى ىقپالىن دا تيگىزىپ وتىرعانى ءمالىم. بۇل قۇندىلىق ءبىر مەنىڭ عانا ەمەس, وقۋ ورنىنداعى ۇستازدار مەن ستۋدەنتتەردىڭ دە كوڭىلدەرىندەگى كوپ ويدى ءدوپ باسقانى انىق اڭعارىلادى. وي ەلەگىنەن وتكىزىپ, ەكشەي بىلسەك, بۇل باعالاۋ – زاڭدى قۇبىلىس. سەبەبى, ەكونوميكادا قارا التىننىڭ الاتىن ورنى ەرەكشە. مەملەكەت باسشىسى زەينەتاقىنى, الەۋمەتتىك تولەمدەردىڭ پايىزىن كوبەيتكەنى دە ۇلكەن جەتىستىك دەپ ويلايمىن. ەكولوگيا, ساياسات, تاۋەلسىزدىك جەتكىز­گەن ەلىمىزدىڭ دەڭگەيى, مادەنيەتىمىز, ادەبيەت­ىمىز, شەت ەلدەرمەن بايلانىستارىمىز بارلىق جاعىنان 7 تۇعىرناما بويىنشا جاقسى ايتىلدى. ءبىزدىڭ عانا ەمەس بارشا قازاقستاندىقتاردىڭ كوڭىلىنەن شىققان باياندامادا ەلباسىنىڭ كەلەشەك تۋرالى ويلارى وتە جاقسى بولدى. ساليقالى وي جاستاردىڭ عانا ەمەس ورتا, اعا بۋىن وكىلدەرىنىڭ جانارلارىن ۇشقىنداتا, ۇمىتتەرىن ۇكىلەتكەندەي اسەر بەردى. قورىتا ايتقاندا, مۇنىڭ بارلىعى ەلدىڭ ەرتەڭگى كۇنگە دەگەن سەنىمدەرىن بەكىتىپ,   تەك جاقسىلىققا ۇمتىلتقانىن باسا ايتقانىمىز دۇرىس. قۋات بايمىرزاەۆ, ءى.جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتىنىڭ رەكتورى, گەوگرافيا عىلىمىنىڭ دوكتورى, پروفەسسور الماتى وبلىسى

كاسىپكەرلەرگە كۇش-قۋات بەردى

ەلىمىزدىڭ تاۋەلسىزدىك الۋىمەن ەكونو­مي­كانىڭ جاڭا ءبىر سالاسى قانات جايدى. بۇل – شاعىن جانە ورتا كاسىپكەرلىك. الايدا, باستاپقىدا كاسىپكەرلەردىڭ ءبارى دە ءوز ىستەرىن اشۋ ءۇشىن بانكتەردەن نەسيە الاتىنى داۋسىز. ويتكەنى, ەلباسى نۇرسۇلتان نازارباەۆ ايتقانداي, بىردە- ءبىر كاسىپكەردىڭ مۇراعا م ۇلىك نە قارجى­لىق كاپيتال قالدىراتىنداي ميلليونەر اكەلەرى بولعان جوق. دەگەنمەن, ەل كاسىپكەرلەرى ۇنەمى نۇرسۇلتان ءابىش ۇلىنا ارقا سۇيەدى. ال ەلباسى كاسىپ اشۋعا نيەت ەتكەن كەز كەلگەن كاسىپكەردى قولتىعىنان دەمەدى. مەملەكەتتىڭ تاراپىنان قولدا­- ۋ­ىن كورسەتتى. كاسىپكەرلەردىڭ العان نەسيە­لەرىنىڭ ءبىر بولىگىنە مەملەكەتتىك سۋبسيديا بەرگىزدى. سالىقتىق جەڭىلدىكتەر جاسالدى. وسىنىڭ ءبارى ەلىمىزدە ءىسىن شاعىن كاسىپتەن باستاعان كاسىپكەرلەردىڭ ءىرى كاسىپورىندار اشىپ, بىرنەشە ءجۇز ادامدى جۇمىسپەن قامتۋىنا جول اشتى. – بۇگىندە قالىپتاسقان بيزنەس­مەن­دەرىمىز ءوز كۇشىمەن سۋىرىلىپ شىقتى. ءوزىنىڭ ەڭبەگىمەن ىسكەرلىگىن جانە ەلدىڭ بولاشاعىن قۇرعان ەڭبەكقور ادامدار رەفورمالاردىڭ قۇندىلىعىن ارتتىر­عانىن ۇنەمى ايتىپ ءجۇرمىن, – دەدى ەلباسى. بۇل كۇندەرى مەملەكەتتىڭ قولداۋىن, ەلباسىنىڭ قامقورلىعىن سەزىنگەن كاسىپكەرلەر دە ەلگە قايىرىمدىلىق ءىس جاساۋعا, كومەك كورسەتۋگە بەت بۇردى. وزگە وڭىرلەر سەكىلدى اتىراۋدا دا ءوز اۋىلدارىندا بالاباقشا, سپورتتىق زالدارىن تۇرعىزۋعا قالتالارىنان قارجى شىعارىپ, دەمەۋشىلىك تانىتىپ جۇرگەن كاسىپكەرلەر قاتا­رى مولايا تۇسۋدە. ءتىپتى كەي كاسىپ­كەرلەر مۇق­تاج جان­دارعا تۇر­عىن ۇيلەر سالىپ بەرۋدە. مۇ­نىڭ سە­بە­بىن ولار «كاسىبىمىزدى باستاعان كەز­دە مەم­لە­كەتتىڭ قولداۋىن سەزىندىك. ەلبا­سىنىڭ قام­قورلىعىمەن كاسىبىمىزدى ءور­كەن­دەتتىك. ەندى ءبىز دە حالىقتىڭ ءال-اۋقاتى جاقسارۋىنا ۇلەسىمىزدى قوسۋىمىز قاجەت», دەپ تۇسىندىرەدى. جاقىندا اتىراۋداعى ىسكەر ايەلدەر كەڭەسى س.قازىباەۆ اتىنداعى مەكتەپ-ينتەرناتىنىڭ 25 تاربيەلەنۋشىسىن ءوز قامقورلىعىنا الدى. مۇنداعى ماقسات – اتا-انا قامقورلىعىنا ءزارۋ بالالاردىڭ ينتەللەكتۋالدى دامۋىنا, سپورتپەن اينالىسۋىنا قولداۋ ءبىلدىرۋ, ءوز بەتىنشە ءومىر سۇرۋىنە بەيىمدەۋ. وسىناۋ ىزگى ماقساتتى كوزدەگەن قايىرىمدىلىق قادامدى ىسكە اسىرۋ ءۇشىن وبلىستىق ءبىلىم باسقارماسىنىڭ, سونداي-اق, مەكتەپ-ينتەرناتتىڭ باسشىلارىمەن ىنتىماقتاستىق مەموراندۋمى جاسالدى. ەل كاسىپكەرلەرىنىڭ وسىنداي ىزگىلىكتى ىستەرى الداعى ۋاقىتتا دا جالعاسارىنا سەنەمىن. ويتكەنى, باستاپقىدا شاعىن جانە ورتا كاسىپكەرلىكتەن باستاپ, بۇگىندە ءىرى ءوندىرىس ورىندارىنا يەلىك ەتەتىن كاسىپكەرلەر ەلدەگى رەفورمالاردىڭ جەمىستى بولارىنا رياسىز سەنەدى. كاسىپكەرلەر وزدەرىنە كاسىپ اشۋعا كۇش-قۋات بەرگەن نۇرسۇلتان ءابىش ۇلىنا تىرەك بولۋدى كوزدەيدى. ويتكەنى, ەلباسى تاۋەلسىز قازاقستاننىڭ بولاشاعى ءۇشىن, حالقى ءۇشىن قيىن ىستەردى اتقارۋعا تاۋەكەلدىك تانىتتى. قازاقستانىمىزدى الەمگە پاش ەتتى. ەلدىڭ ەكونوميكاسىن وركەندەتتى. حالىقتىڭ تۇرمىسىن جاقسارتتى. كاسىپكەرلەر بۋىنىن ءوسىردى. باسەكەگە قابىلەتتى وتاندىق ماماندار شوعىرىن قالىپتاستىردى. مۇنىڭ ءبارى مەرەيىمىزدى وسىرەدى, وتانشىلدىق رۋحىمىزدى بيىكتەتتى. ءاليا بەكقوجيەۆا, اتىراۋ وبلىستىق كاسىپكەرلەر جانە جۇمىس بەرۋشىلەر وداعىنىڭ ءتورايىمى, وبلىستىق ءماسليحات دەپۋتاتى

تاۋەلسىزدىككە ءار قۇيمامىزبەن ۇلەس قوستىق

ەلوردامىز­دا وتكەن ماڭىزدى جيىندى وسكەمەن تيتان-ماگني كومبيناتىنىڭ تسەح باسشىلارى مەن ۇزدىك ەڭبەك بريگادالارى­نىڭ جەتەكشى­لەرى باستاعان ەڭبەك ۇجىمى دا كوردى. مەملەكەت باسشىسى نۇرسۇلتان نازارباەۆ تاۋەلسىزدىگىمىزدىڭ شيرەك عاسىرلىق مەرەكە­سىنە ارنالعان سالتاناتتى جيىندا ءار وتان­داسىمىزدىڭ جۇرەگىنە جەتەتىن جەتەلى ءسوز ايتتى. اسىرەسە, تاۋەلسىزدىكتى تۇعىرلى ەتۋگە قوسقان وڭىرلەردىڭ ۇلەسىن ەرەكشە اتاپ وتكە­نى كوڭىلىمىزدى تولقىتتى. سونىڭ ىشىندە جە­رىنىڭ ءۇستى دە, استى دا قازبا بايلىققا تولى كەندى التايدىڭ اتالۋى بەكەر ەمەس. بارشا قازاقستاندىقتارمەن بىرگە ءبىز – وسكەمەن تيتان-ماگني كومبيناتىنىڭ ەڭبەك ۇجىمى, تاۋەلسىزدىكتىڭ 25 جىلىندا ەلىمىزدىڭ ەكو­نوميكاسىن نىعايتۋعا, الەۋمەتىن الەۋەتتەندىرۋگە ءار قورىتپامىزبەن, ءار قۇيمامىزبەن ءوز ۇلەسىمىزدى قوستىق. بۇل – ءبىز ءۇشىن زور ماقتانىش! ويتكەنى, ەلباسى ايتقانداي, ەركىن ەلىمىزدىڭ شاڭىراعىن كوتەرىسۋگە, ىرگەسىن بەكىتۋگە ناتيجەلى ەڭبەكپەن قاتىسۋدىڭ ءجونى بولەك. ەلباسى 25 جىلدى ەڭسەرگەن قازاق­ستان­دىقتار ءۇشىن ەندى جاڭا 25 جىل­دىق باس­تالعانىن ايتتى. قازاقستاننىڭ ءتا­ۋ­­ەل­سىزدىگىنە 50 جىل تولعانداعى كەمەل مەملەكەتتىڭ بەينەسىن سۋرەتتەدى. وعان نەگىز جوق ەمەس. الداعى جىلداردا ەلى­مىز­دىڭ ەكونوميكالىق ءوسىم بويىنشا الەم­نىڭ جەتەكشى ەلدەرىنىڭ قاتارىنا قو­سى­لۋ مۇمكىندىگى بار. بۇل بار­شا­مىزدىڭ جۇرەگىمىزگە سەنىم ۇيالاتادى. سال­تاناتتى جيىندا وسكەمەن تيتان-ماگني كوم­بيناتىنىڭ باسشىسى اسەم مامۋتوۆانىڭ ءسوز سويلەۋى ءبىزدىڭ جىلدار بويى اتقارعان جۇ­مىسىمىزدىڭ جەمىستى ناتيجەسى, ونىڭ مەم­لەكەت تاراپىنان باعالانۋى دەپ بىلەمىز. ارينە, پرەزيدەنت سوزدەرىنەن پايىم­دا­عان, تۇيگەن ويىمىز كوپ. بۇل جاڭا تۇرپاتتى مەملەكەتتىڭ ءار ازاماتىنا كۇش-جىگەر بەرەدى. ءبىز وسى شيرەك عاسىرداعى دامۋ قارقىنىن ءارى قاراي ۇدەتە بەرۋىمىز, ەلىمىزدى الەمنىڭ دامىعان 30 ەلىنىڭ قاتارىنا قوسۋ جولىندا ايانباي تەر توگۋىمىز كەرەك. ۇلىق مەرەكەمىز قۇتتى بولسىن! العا, قازاقستان! قايرات ابدراحمانوۆ, «وسكەمەن تيتان-ماگني كومبيناتى» اق №12 تسەحىنىڭ باستىعى. شىعىس قازاقستان وبلىسى  

ەلدى قۋانىشقا بولەدى

شىنىندا, بۇگىنگى بەيبىت تە بەرەكەلى ومىرىمىزگە حالقىمىز اۋىزبىرشىلىكتى ساقتاۋدىڭ ارقا­سىندا قول جەتكىزدى. ال شيرەك عاسىرداعى ەل جەتىستىكتەرى – تۇڭ­عىش پرەزيدەنتىمىز, پار­تيا جەتەكشىسى نۇرسۇلتان ءابىش ۇلى نازارباەۆتىڭ سارابدال سايا­ساتى­نىڭ جەمىسى. مەملەكەت باس­شىسى قازاقستان حالقىن ءتا­ۋ­ەل­سىزدىك مەرەيتويىمەن قۇت­تىق­­تاعان سالتاناتتى جيىندا وسى جىلدارداعى باستى جەتىستىكتەرگە توق­تالىپ, «ءبىز بەيبىت­شىلىك پەن كەلىسىمنىڭ بىرە­گەي مودەلىن قالىپتاستىردىق. ەڭ باستىسى, كەز كەلگەن ادام «مەن – قازاق­ستان­دىقپىن, بۇل – مەنىڭ ەلىم, مەن مۇندا با­قىتىمدى تاپتىم!» دەپ ايتا الاتىن ءادى­لەتتى قوعامدى ورناتتىق», دەپ وتە ورىندى ايتتى. تاۋەلسىزدىك جىلدارىندا ەلىمىز تالاي باعالى باستامالاردى جۇزەگە اسىردى. ەلدىڭ ۇلكەن سەنىمىنە يە بولعان «نۇر وتان» پارتياسى دا تۇيتكىلدى ماسەلەلەرگە جول اشىپ, قوعامداعى كوپتەگەن پروبلەمالاردىڭ شەشىمىن تابۋعا تىكەلەي ارالاسىپ, قاراپايىم تۇرعىندارعا جاقىنداي ءتۇستى. ەلباسى توراعالىق ەتەتىن پارتيانىڭ كوشباسشىلىعى ايقىن سەزىلە باستادى. بۇگىندە ءبىر عانا جامبىل وڭىرىندەگى باس­تاۋىش پارتيا ۇيىمدارىنىڭ سانى 401-گە جەتۋى – وسى ءسوزىمىزدىڭ دالەلى. وسىدان-اق وبلىس تۇرعىندارىنىڭ «نۇر وتان» پارتياسىنا دەگەن سەنىمىنىڭ جوعارى ەكەنىن بايقاۋعا بولادى. ەندى, مىنە, مەملەكەت باسشىسى ۇكىمەتكە الەۋمەتتىك باعدارلامالاردى ىسكە اسىرۋ بارىسىندا 2017 جىلى زەينەتاقى مولشەرىن بيىلعى دەڭگەيدەن 20 پايىزعا, سونداي-اق بالا تۋعا بايلانىستى ءبىر جولعى مەملەكەتتىك جاردەماقى مولشەرىن دە 2017 جىلعى 1 شىلدەدەن باستاپ 20 پايىزعا ۇلعايتۋدى تاپسىرىپ, ۇلى مەرەكە الدىندا ەلدى ۇلكەن قۋانىشقا بولەدى. ءبىز, نۇروتاندىقتار, ەلباسى ساياساتىن ىسكە اسىرۋدا ونىڭ سەنىمدى سەرىگى ەكەنىمىزدى ماقتان تۇتامىز. قازاقستاننىڭ ەكونوميكالىق دامۋىنا, ازاماتتاردىڭ ءال-اۋقاتىنىڭ بۇدان ءارى وسۋىنە ءوز ۇلەسىمىزدى قوسامىز. ءبىزدىڭ ەلدى ودان ءارى دەموكراتيالاندىرۋ ءۇشىن قۇقىقتىق نەگىزدى قالىپتاستىرۋ باعىتىندا ۇلكەن جۇمىس كۇتىپ تۇر. لايىم, ەل تاۋەلسىزدىگىنىڭ مەرەكەسى ەلىمىزدىڭ ءاربىر تۇرعىنىنا, ءاربىر وتباسىنا اماندىق-ساۋلىق, باق-بەرەكە, جاقسىلىق سىيلاسىن. ماسات بەرىك, «نۇر وتان» پارتياسى جامبىل وبلىستىق فيليالى توراعاسىنىڭ ءبىرىنشى ورىنباسارى

جەتىستىگى مول جىلدار

استانا قالاسىنداعى ءتاۋ­ەل­سىزدىك سارايىندا پرەزيدەنت نۇرسۇلتان نازارباەۆتىڭ قاتىسۋىمەن تاۋەل­سىز­دىكتىڭ 25 جىلدىعىنا ارنالعان سال­تاناتتى شارا بولىپ ءوتتى. وعان ەلىمىزدىڭ تۇكپىر-تۇكپىرىنەن جينا­ل­عان مەملەكەتىمىزدىڭ دامۋىنا, تاۋەل­سىز­دىگىمىزدىڭ نىعايۋىنا زور ۇلەسىن قو­سىپ جۇرگەن ازاماتتار قاتىستى. ونى رەسپۋبليكالىق تەلەارنالار ءتى­كەلەي ەفير ارقىلى حالىققا تاراتتى. سالتاناتتى شارادا ەلباسى وتكەنىمىزگە كوز جۇرگىرتىپ, قازىرگى جەتكەن جەتىستىكتەرىمىزدى سارالادى. وندا كەلەلى ماسەلەلەر دە ايتىلدى. ماسەلەن, پرەزيدەنت ن.نازارباەۆ ۇكىمەتكە الداعى جىلدان باستاپ  زەينەت­اقى مولشەرىن 20 پايىزعا ءوسىرۋدى تاپسىردى. سونىمەن قاتار, مەملەكەت باسشىسى تاۋەلسىزدىگىمىزدىڭ باياندى بولۋىنا ۇلەس قوسىپ كەلە جاتقان ەلىمىزدىڭ ءاربىر ايماعىنا جەكە-جەكە توقتالىپ, العىسىن ءبىلدىردى. مۇنىڭ ءبارى دە تاۋەلسىزدىكتىڭ قاستەرلى ۇعىم ەكەنىن اڭعارتسا كەرەك. باستىسى, سالتاناتتى جيىندا ەلىمىز تاۋەلسىزدىك العان تۇستاعى قيىن كەزەڭدەر ارتتا قالىپ, قازىر دامۋدىڭ داڭعىل جولىنا تۇسكەن مىقتى مەملەكەتتى كورە الاتىنىمىزدى تاعى ءبىر دالەلدەدى. سونداي-اق, ەلباسى قازاق ءتىلىنىڭ ءورىسى كەڭەيىپ كەلە جاتقانىن جەتكىزدى. «ءبىز قاسيەتتى قازاق ءتىلى مەن ۇلت­تىق مادەنيەتىمىزدىڭ جاھاندىق گۋمانيتارلىق كەڭىستىككە ەركىن ەنۋىن قامتاماسىز ەتتىك. وزدەرىڭىز كورىپ, ەستى­دىڭىزدەر, قازاقتىڭ ءتىلى بۇۇ باس اسسامبلەياسىنىڭ تورىنەن ەستىلدى. ول عا­رىش­تان دا ەستىلدى. بۇگىندە ينتەرنەتتىڭ دە ءتىلى بولىپ وتىر», دەدى پرەزيدەنت. ەل بولاشاعى قازاق تىلىمەن تىكەلەي بايلانىس­تى. سونىمەن بىرگە, تاۋەلسىزدىككە دەيىن الماتىنىڭ وزىندە ءبىر عانا قازاق مەكتەبى بولعانىن, الايدا 25 جىلدان كەيىن ەلىمىزدە قازاق تىلىندە ءبىلىم بەرەتىن 1 مىڭنان استام مەكتەپ اشىلعانىن اتادى. ەلىمىزدە ستۋدەنتتەردىڭ 60 پايىزى مەملەكەتتىك تىلدە ءبىلىم الىپ جاتقانى دا زور قۋانىش. ەلباسى قازاق ءتىلىنىڭ بىرنەشە مەملەكەتتەردە, اتاپ ايتار بولساق, اقش, ۇلىبريتانيا, گەرمانيا, قىتاي, وڭ­تۇستىك كورەيا, ماجارستان, پولشا, ازەر­­باي­جان, ارمەنيا سياقتى ەلدەردىڭ ۋني­­­ۆەر­سيتەتتەرىندە وقىتىلىپ جۇرگەنىن ايت­تى. جالپى, سالتاناتتى جيىننان العان اسەرىمىز زور. تاۋەلسىزدىكتىڭ 25 جىلدى­عىندا جەتكەن جەتىستىكتەر تولاعاي. ەلباسىنىڭ سارابدال ساياساتىنىڭ ارقاسىندا ءالى دە تالاي بەلەستەرگە شىعا­تى­نىمىز ايقىن. قىلىشباي بيسەنوۆ, قورقىت اتا اتىنداعى قىزىلوردا مەملەكەتتىك ۋنيۆەرسيتەتىنىڭ رەكتورى