ەرجان قاجى مالعاجى ۇلى. تاۋەلسىزدىك – اللانىڭ بەرگەن سىيى مەن نىعمەتى

اسا قامقور, ەرەكشە مەيىرىمدى اللانىڭ اتىمەن باستايمىن! قۇرمەتتى باۋىرلار, قادىرلى وتانداستار! بارشالارىڭىزدى تاۋەلسىزدىگىمىزدىڭ شيرەك عاسىرعا تاتىعان 25 جىلدىق تورقالى تويىمەن قۇتتىقتايمىن! راسىندا, ءبىز كەشەگى اۋمالى-توكپەلى زاماندا قيىندىققا ءتوزىپ, سىناققا سابىر ەتىپ, ازاتتىقتىڭ اق تاڭىن اتىرعان حالىقپىز. سوندىقتان دا, تاۋەلسىزدىك – ۇلتىمىز ءۇشىن ۇلى ۇعىم, قاستەرلى ءسوز. اتا-بابالارىمىزدىڭ اسقاق ارمانى مەن ءور رۋحىنىڭ, يمانعا بەرىك مۇسىلماندىعىنىڭ ارقاسىندا كەلگەن تاۋەلسىزدىك – اللانىڭ بىزگە بەرگەن سىيى ءھام نىعمەتى. اللاعا سانسىز شۇكىرلەر ايتامىز. ەگەمەندىگىمىزبەن بىرگە ءدىنىمىز دە وركەندەپ, ەلىمىزدە ەڭسەلى مەشىتتەر مەن مەدرەسەلەر بوي كوتەردى. تاۋەلسىزدىك مەرەكەسى قۇتتى بولسىن! دەندەرىڭىزگە ساۋلىق, كۇش-قايرات, وتباسىلارىڭىزعا اماندىق تىلەيمىن. ەل يگىلىگى مەن حالقىمىزدىڭ بولاشاعى جولىنداعى جۇمىستارىڭىز بەرەكەلى بولسىن. تاۋەلسىزدىگىمىز باياندى, دۇعامىز قابىل, مۇراتىمىز اسىل بولعاي! ءاۋمين! ەرجان قاجى مالعاجى ۇلى, قازاقستان مۇسىلماندارى ءدىني باسقارماسىنىڭ توراعاسى, باس ءمۇفتي