15 جەلتوقساندا قازاقستان مەن قىتايدىڭ ءوزارا ديپلوماتيالىق قارىم-قاتىناس ورناتقاندىعىنا 25 جىل تولۋىنا وراي بەيجىڭدەگى مەملەكەتتىك كىتاپحانادا قازاقستان كىتاپ بۇرىشى اشىلدى, دەپ حابارلايدى قىتايدىڭ «حالىق تورابى» اقپاراتتىق پورتالى.
شارانى قازاقستاننىڭ قىتايداعى ەلشىلىگى, قىتاي مەملەكەتتىك كىتاپحاناسى جانە قازاقستان رەسپۋبليكاسىنىڭ ۇلتتىق اكادەميالىق كىتاپحاناسى بىرلەسە ۇيىمداستىرىلعان.
اتالعان ءىس-شاراعا قازاقستاننىڭ قىتايداعى ەلشىسى شاحرات نۇرىشەۆ, قىتاي مەملەتتىك كىتاپحاناسىنىڭ باستىعى حان يۇڭجين, قازاقستان رەسپۋبليكاسىنىڭ ۇلتتىق اكادەميالىق كىتاپحاناسىنىڭ باستىعى ءۇمىتحان مۇڭالباەۆا, جازۋشى, قىتاي مەملەكەتتىك ساياسي كەڭەسىنىڭ مۇشەسى اكبار ءماجيت ۇلى جانە وزگە دە مادەنيەت سالاسىنداعى قۇرمەتتى قوناقتار قاتىناسىپ, ءسوز سويلەدى.
"قازاقستان رەسپۋبليكاسىنىڭ ۇلتتىق اكادەميالىق كىتاپحاناسىنىڭ ديرەكورى ءۇمىتحان مۇڭالباەۆا بۇل كىتاپ بۇرىشىنا ابايدىڭ قارا سوزدەرى, قازاقستان رەسپۋبليكاسى پرەزيدەنتى نۇرسۇلتان نازارباەۆ تۋرالى جازىلعان كىتاپتار, ءىلياس ەسەنبەرليننىڭ «كوشپەندىلەر» رومانى باستاعان 200-گە تارتا كىتاپتار قويىلعانىن اتاپ ءوتتى», دەپ جازادى اتالعان اقپارات كوزى.
سۋرەتتەر «حالىق تورابىنان» الىندى