دونالد ترامپ دۇيسەنبى كۇنى Exxon Mobil كومپانياسىنىڭ اتقارۋشى ديرەكتورى رەكس تيللەرسوندى مەملەكەتتىك حاتشى لاۋازىمىنا تاعايىندادى, دەپ حابارلايدى New York Times.
بۇل لاۋازىمعا ەرتەرەكتە نيۋ-يورك اكىمى رۋدولف دجۋلياني لايىق دەپ تانىلعان ەدى. الايدا, ترامپ ءوزىنىڭ ەڭ جاقىن قولداۋشىسىن ەمەس, سەناتقا كانديدات رەتىندە قاراستىرىپ جاتقان Exxon Mobil ديرەكتورىن دۇرىس كورگەن ەكەن.
تيللەرسوننىڭ كەز كەلگەن ارەكەتى ساياساتكەرلەر تاراپىنان ءجىتى باعالاۋدا بولادى, دەپ جازادى باسىلىم. ويتكەنى ول بۇرىن رەسەيمەن تىعىز ارىپتەستىك ورناتىپ, 2013 جىلى ءتىپتى رەسەيدىڭ "دوستىق" وردەنىمەن ماراپاتتالعان ەدى.
جالپى, ساراپشىلار مۇناي كومپانياسىنىڭ قىزمەتكەرى رەتىندە جاڭا مەملەكەتتىك حاتشى اقش مۇددەسىن قورعاۋدا تاجىريبەسىز ەمەس ەكەنىن العا تارتادى.
مامانداردىڭ بولجاۋىنشا, تيللەرسوننىڭ مەملەكەتتىك حاتشى بولۋى اقش-رەسەي قاتىناسىن جاقىنداستىرماق.