21 قازان كۇنى يراكتىڭ كيركۋك ايماعىنىڭ داكۋك اۋدانىندا جاسالعان اۋە سوققىسى ناتيجەسىندە قايتىس بولعان تۇركمەندەردىڭ تۋىستارى يراكتىڭ پرەمەر-ءمينيسترى حايدار ءال-ءاباديدى جۇمىسىنا سەلقوس قارادى دەپ ايىپتاپ, سوتقا بەرۋدە, دەپ حابارلايدى Haberler باسىلىمى.
"وقيعانىڭ بولعانىنا ءبىر جارىم اي ءوتىپ كەتكەنىنە قاراماستان, ۇكىمەت ماسەلەگە قاتىستى ءالى دە كوڭىلگە قونىمدى مالىمدەمە جاساماي وتىر", - دەيدى اتالعان وقيعا كەسىرىنەن اپكەسى مەن ەكى جيەنىنەن ايىرىلعان حايدار احمەت.
ونىڭ ايتۋىنشا, تۇركمەندەر يراك كونستيتۋتسياسىنا ساي, ۇكىمەت باسشىسىن نەمقۇرايلى جۇمىسى ءۇشىن ايىپتاپ, سوتقا بەرۋدە.
"كەرەك بولسا ءبىز حالىقارالىق سوتقا شاعىم تۇسىرەمىز", - دەيدى حايدار احمەت.
ەستەرىڭىزگە سالا كەتەيىك, 21 قازان كۇنى مەملەكەتتىك مەنشىكتە جوق ۇشاق يراكتىڭ داكۋك قالاسىندا اۋە سوققىسىن جاساپ, 11 ايەلدىڭ كوز جۇمىپ, 45 ادامنىڭ جارالانۋىنا سەپ بولعان ەدى.