اقش-تىڭ سايلانعان پرەزيدەنتى دونالد ترامپ مەملەكەتتى باسقارۋعا كوبىرەك دەن قويۋ ءۇشىن كومپانيالارىنىڭ تىزگىنىن وزگەلەرگە ۇستاتاتىنىن مالىمدەدى, دەپ حابارلايدى BBC.
«مەن پرەزيدەنتتىڭ جۇمىسىنا دەن قويۋ ءۇشىن ءوزىمنىڭ كومپانيالارىمنان كەتەمىن. دەسەك تە بۇلايشا جاساۋعا زاڭ بويىنشا مىندەتتى ەمەسپىن», – دەپ جازدى د.ترامپ ءوزىنىڭ Twitter-دەگى پاراقشاسىندا.
ول كومپانيالاردىڭ جۇمىسىن بالالارى دون مەن ەريك, سونداي-اق باسقارۋشىلار جۇرگىزەتىنىن تىلگە تيەك ەتتى.
سونىمەن قاتار د.ترامپ ءوزى پرەزيدەنتتىكتە وتىرعان كەزدە كومپانيالارى جاڭا مامىلەلەر جاساسپايتىنىن اتاپ ءوتتى. ول جاقىن ارالىقتا ءباسپاسوز جيىنىن وتكىزىپ, بيزنەسىنىڭ ودان ارعى تاعدىرى, سونىمەن بىرگە مينيسترلەر كابينەتىندەگى تاعايىنداۋلار تۋرالى ايتپاقشى.