ەۋروپالىق قايتا قۇرۋ جانە دامۋ بانكى قازاقستان ەكونوميكاسىنا 800 ميلليوننان 1 ملرد ەۋروعا دەيىن ينۆەستيتسيا قۇيۋدى جوسپارلاپ وتىر, دەپ حابارلايدى حابار24.
بيىل 30-دان استام جوباعا 900 ميلليون ەۋروعا دەيىن قارجى بولمەك. بۇل – اۋىل شارۋاشىلىعى, ينفراقۇرىلىم, ەنەرگيا ۇنەمدەۋ مەن شاعىن جانە ورتا بيزنەس سالاسىنداعى جوبالار. بۇل تۋرالى جىلدىق جۇمىسىن قورىتىندىلاعان ەۋروپالىق قايتا قۇرۋ جانە دامۋ بانكىنىڭ وكىلدەرى حابارلادى.
بانك ساراپشىلارىنىڭ پىكىرىنشە, قاشاعان كەن ورنى ەل ەكونوميكاسىنىڭ دامۋىنا ايتارلىقتاي ۇلەس قوسۋى ءتيىس. ەگەر قاشاعان تاۋلىگىنە 300 مىڭ باررەل ءونىم وندىرسە, وندا قازاقستاننىڭ جالپى ىشكى ءونىمى قوسىمشا جارتى پايىزعا ارتادى. ازىرگە قاشاعاندا تاۋلىگىنە 100-120 مىڭ باررەل قارا التىن ءوندىرىلىپ جاتىر.
جالپى ەۋروپالىق قايتا قۇرۋ جانە دامۋ بانكىنىڭ باسشىلىعى ەل ەكونوميكاسىنا وڭ باعاسىن بەردى. بانك قارجىسى سالىنعان جوبالار تابىستى جۇمىس ىستەپ كەلەدى.