پورتۋگاليا ۇلتتىق قۇراماسىنىڭ جانە "رەال" كلۋبىنىڭ شابۋىلشىسى كريشتيانۋ رونالدۋ 2016 جىلعى "التىن دوپ" جۇلدەسىنىڭ يەگەرى اتاندى.
بيىل بۇل سىيلىقتىڭ جەڭىمپازىن France football باسىلىمى 30 ءجۋرناليستىڭ قاتىسۋىمەن انىقتادى. سالتاناتتى كەشكە كريشتيانۋ رونالدۋ قاتىسا المادى. قازىر ول جاپونيادا "رەالمەن" كلۋبتار اراسىنداعى الەم چەمپيوناتىنا دايىندىق ۇستىندە.
2016 جىلى ول مادريدتىڭ "رەالىمەن" چەمپيوندار ليگاسىن, ۋەفا سۋپەركۋبوگىن, سونداي-اق پورتۋگاليا ۇلتتىق قۇراماسىمەن ەۋروپا چەمپيوناتىن جەڭىپ الدى. سونىمەن قاتار, 54 ماتچ وتكىزىپ, 51 گولدىڭ جانە 18 ناتيجەلى پاستىڭ اۆتورى اتاندى.
ايتا كەتەيىك, پورتۋگال ويىنشىسى "التىن دوپ" جۇلدەسىنە وسىمەن ءتورتىنشى مارتە قول جەتكىزىپ وتىر. بۇعان دەيىن بۇل بيىكتەن 2008, 2013 جانە 2014 جىلدارى كورىنگەن ەدى.