اقمولا وبلىسى بۋراباي اۋدانىنا قاراستى ششۋچينسك قالاسىندا بەس قاباتتى تۇرعىن ۇيگە جاپسارلاس سالىنعان ءبىر قاباتتى كافەدە گاز-اۋا قوسپاسىنىڭ جارىلىسى بولىپ, ارتىنشا ءورت شىقتى, دەپ حابارلايدى Egemen.kz.
قۇتقارۋشىلاردىڭ مالىمەتىنشە, وقيعا تۋرالى حابار تۇسكەننەن كەيىن ءورت سوندىرۋشىلەر وقيعا ورنىنا بەس مينۋت ىشىندە جەتكەن. عيماراتتان سەگىز گاز باللونى شىعارىلىپ, 10-نان استام ادام قۇتقارىلدى.
الدىن الا اقپارات بويىنشا, وقيعا سالدارىنان شامامەن 20 ادام زارداپ شەگىپ, جەتى ادام قازا تاپقان. ءورت تولىقتاي ءسوندىرىلدى, قازىرگى ۋاقىتتا قۇتقارۋشىلار ۇيىندىلەردى ارشۋ جۇمىستارىن جالعاستىرىپ جاتىر. وقيعانىڭ سەبەپتەرى مەن ءمان-جايى انىقتالۋدا.
اقتوبەدەگى قۇس فابريكاسىندا ءورت شىقتى
وقيعا ورنىندا توتەنشە جاعدايلار دەپارتامەنتىنىڭ باسشىلىعى, وبلىس اكىمىنىڭ ورىنباسارى بار. سونداي-اق ءورت ءسوندىرۋ بولىمدەرى, قۇتقارۋ توپتارى, مەديتسينا قىزمەتكەرلەرى, پوليتسيا جانە گاز-تەحنيكالىق ينسپەكتسيا جۇمىلدىرىلعان. سانيتارلىق اۆياتسيا مەن تجم-ءنىڭ رەانيموبيلدەرى دايىندىق رەجيمىنە قويىلدى.
استانادا جۇك كولىگى ورتكە وراندى