باتىس قازاقستان وبلىسىنىڭ اكىمى التاي كولگىنوۆ تاۋەلسىزدىكتىڭ 25 جىلدىعىنا وراي پوليتسەيلەرگە 60 «ۆاز 21214» اۆتوكولىگىنىڭ كىلتىن تابىس ەتتى, دەپ حابارلايدى قازاقپارات.
سالتاناتتى جيىندا ءوڭىر باسشىسىنىڭ اتاپ وتكەنىندەي, ەلباسى نۇرسۇلتان ءابىش ۇلى نازارباەۆ ىشكى ىستەر ورگاندارىنىڭ ماتەريالدىق-تەحنيكالىق جاعىنان قامتىلۋىنا ەرەكشە كوڭىل ءبولىپ كەلەدى. وسى ورايدا ەل تىنىشتىعىن, ازاماتتاردىڭ قۇقىعىن قورعاپ, قىلمىس اتاۋلىنىڭ الدىن الۋدا ءتارتىپ ساقشىلارىنا ۇلكەن جاۋاپكەرشىلىك جۇكتەلەدى. سوندىقتان جەرگىلىكتى اتقارۋشى بيلىك پوليتسيانى بارلىق قاجەتتىمەن قامتۋدى ۇدايى نازاردان تىس قالدىرماي, بيۋدجەتتەن جىل سايىن قارجى بولىنەدى. بۇل جولى 50 اۆتوكولىك اۋداندىق ىشكى ىستەر بولىمدەرىنە بەرىلسە, 10-ى وبلىس ورتالىعىندا قوعامدىق ءتارتىپتى ساقتاۋعا قىزمەت ەتەتىن بولادى. شارا بارىسىندا وزات ءتارتىپ ساقشىلارى وبلىس اكىمىنىڭ العىسحاتتارىمەن ماراپاتتالىپ, جەكە قۇرامنىڭ سالتاناتتى شەرۋىمەن اياقتالدى.