ازەربايجان جىلقى ەتىن قازاقستانعا ەكسپورتتاماقشى. بۇل تۋرالى ازەربايجاننىڭ اۋىل شارۋاشىلىق ءمينيسترىنىڭ ورىنباسارى سەيفاددين تالىبوۆ ءمالىم ەتتى, دەپ حابارلايدى قازاقپارات.
«بيىلدان باستاپ ازەربايجان جانۋار تەكتەس ءداستۇرلى ەمەس اۋىل شارۋاشىلىعى ونىمدەرىن ەكسپورتقا شىعارۋعا كىرىستى. ءبىز مولدوۆامەن كەلىسىمگە قول قويدىق, بىراق ەكسپورتىمىزدىڭ باستى باعىتى قازاقستان بولادى. بۇل ماسەلە حالىقارالىق قۇقىق كوميسسياسىنىڭ وتىرىسىندا تالقىلانىپ, قازاقستاندىق تاراپپەن ناقتى قادامداردى ىسكە اسىرۋ باستالدى», - دەدى س. تالىبوۆ.